Translate

Wednesday 29 December 2010

ИЗВЕСТУВАЊЕ ДО ЧЛЕНСТВОТО!


Го барав mohican деновиве за прво со него, како админ да се консултирам, а сега откако прифати да ве извстам и вас..пред некој ден го отворив фејсбук профилот на фан клубот на милан македонија..таму видов дека спремаат отварање на блог и стоеше линк на профилот..контакирав со еден од одржувачите и му понудив соработка во име на блогов..ги прашав дали се заинтересирани, наместо да отвараат нов блог, да го користиме овој, да го одржуваме заедно и со тоа да ја зголемиме активноста и популарноста..битна работа ми беше тоа што дечките се сериозни и не се деца од по 12-13 години оти знаете што повлекува тоа, какво ниво на муабет..нашиот админ прифати, момците од фан-клубот (кој btw од пред некое време одржуваат и сајт acmilan-mk.com) прифатија, деновиве ќе добијат авторизација, линкот на блогот е закачен на профилот на ФАН КЛУБ НА АЦ МИЛАН на фејсбук..го направив ова најпрво за зголемување на активноста, за ново членство, ама и за да нема повеќе активни блогови со истата тематика..вака, имате и сајт, имате и блог..сајтот си го одржуваат дечките и објавуваат по десетина статии на ден, ама на блогов ќе постираме сите, нормално со коориднација претходна, само што динамиката на објавување ќе се разликува, затоа што ова е место за дикусија, коментари..за да не доаѓа до бркање со постовите, се договорив во никој случај да нема повеќе од еден пост дневно, за да можи секој да си искоментира за тековните новости..
се надевам дека ќе ја прифатите новоста, пак ќе речам во интерес на развивање на блогот..можда требаше да ве консултирам и вас, ама со дечките се договорив одма и само што почекав на Mohican да даде зелено светло..некаде од нова година, планирано е да почни соработката поинтензивно..ако имате некои прашања, слободно прашате и искоментирајте нешто да знам како го оценувате ова..

FORZA MILAN!!!

Sunday 19 December 2010

AC Milan 0 - 1 AS Roma

Тоа е момци, лоша фризура и несреќен гол :)

Saturday 18 December 2010

Ладно време но топли срца!

Одиме во финалето од 2010 година. Крајот на годината ја пречекуваме од одлични позиции, број 1 во Калчото и пласман во следната рунда во ЛШ.
Иако и годинава имаме проблеми со повредени фудбалери (додуша многу помалку од комшиите) сепак се покажа зрелоста на екипата и (по подолго време) долгата клупа. На ова мора да се потенцира и успехот на Макс Алегри кој успеа да ги ревитализира некои фудбалери од старата гарда за кои никој не веруваше дека можат повторно да бидат препородени. Значи како резиме засега на тимот се’ му оди како по конец. Згора на се’ Галијани во најновата изјава ни „сее“ бодлики со тоа што вели дека е можно во Јануари Милан да се засили на ПОВЕЌЕ ролји во тимот а не само во офанзива?!
Се надеваме дека 2010 година ќе ја заокружиме со најмалку 6 бода предност пред вториот во Калчото. За тоа да се оствари ни треба уште една победа во последниот натпревар за оваа година.
А таму се соочуваме на Свети Сиро против Рома. Тим со кој сезони наназад имаме најдобри односи во споредба со сите останати големи екипи во Италија а и незнам зошто ама мене лично Росела Сенси ми е фаца. Тим кој индиректно ни помогна да имаме фантастичен фото финиш во летниот преоден рок со тоа што го ангажираше Бориело, сите знаеме што се случи после тоа нели?
Токму Бориело ќе биде во центарот на вниманието на Сан Сиро, барем во екипата на гостите.
Кај нас се чини исто како во последните неколку натпревари, Макс има само една дилема, Боа или Сидорф. Се’ останато е веќе познато. Сепак како и многу натпревари наназад, воопшто не се сомневам дека која и да биде одлуката на Алегри, таа ќе биде вистинската.
Епа дечки одиме на нова победа... а што друго?

П.С Сите сакаат да ги гледаат Марадона и Златан





И за крај на овој колаж:

Friday 10 December 2010

ASSALTO A BOLOGNA, CON THIAGO E FLAMS NEL COURE!!!

Помеѓу сите овие лоши вести деновиве, екипата, а и ние треба да најдеме простор за размислување на следниот предизвик, оној во Недела на Renato dall'Ara..најверојатно никој не ја знае точната дијагноза на повредите и колку тие ќе ги оддалечат нашите миленици од теренот, а сепак и покрај шокот тимот има императив пред себе за колку-толку да се задржи позитивната атмосфера што владееше се до вчера..момците треба да се издигнат над проблемите, да им препуштат на лекарите и на управата да ја завршат својата работа на најдобар начин, а тоа што тие го знаат најдобро да го презентираат уште еднаш..
со една победа над Bologna би се смениле многу работи и верувам дека во Millanelo се свесни за тоа, но било како поинаков исход би ја продлабочил кризата (не толку резултатска, колку психичка)..и не дека сме немале вакви повреди и порано..неможи да биди посвеж примерот на Pippo, ниту дека помалку ни е жал и сме загрижени за Flamini, ама тенката и неконзистента одбрана го прави толку страшно долгото отсуство на ТЅ..деновиве ќе прочитаме милион варијанти за должината на опоравувањето, ќе се изначитаме и шпекулации за трансфери во Јануари..нас најдраго секако, ќе ни биди ако управата го промени официјалниот став дека во преодниот рок ќе се купува само напаѓач и ако евентуално го реализира транферот на David Luiz, што е сон на секој фан..
во секој случај, ни останува да чекаме comunicato ufficiale, па потоа да правиме пресметки..ептен ми се допаѓа што на блогов не читам коментари каде се црни, пцуе и колни Allegri за тоа што не ги одмарал некои од првотимците, како што има на многу други форуми, а тоа зборува за вашата навивачка зрелост и познавање на приликите во клубот..
тие што ќе излезат на терен во Недела, нека одиграат за Thiago, за Flams, за Pippo, за Pato, за сите rossoneri, за Скудето!!

P.S. За повиканите, казнетите, можните состави, резултатот и се друго потесно поврзано со мечот, во коментарите на постот.

уште еднаш... STARE INSIEME RAGAZZI!!! FORZA MILAN!!!

Tuesday 7 December 2010

GROUP STAGE - CHECK!!!


Уште една важна задача е сработена, зад нас е групната фаза на ЛШ..тоа што се подразбираше е остварено, пласманот во осмина-финалето е реализиран уште во минатот коло..останува уште еден дуел со Ajax, за нас само за престиж, за гостите нешто побитен..во мечот кој спојува два многу трофејни и реномирани клуба, во мечот кој спојува единаесет титули во најзначајното натпреварување во Европа, ќе се судрат нашите миленици со најдоброто од Амстердам..за гостите кои сеуште не го потврдиле третото место и настапот во UEFA League, на хартија ова е пресуден натпревар..ама ако се знае дека Auxerre утревечер игра со Real во Madrid и дека Ajax има бод предност, јасно е дека во групата веќе се е решено..тоа незначи дека Milan го сфаќа дуелот несериозно, впрочем тоа е омиленото натпреварување на претседателот и секогаш потенцирано како приоритетно..а и не се малку 800.000 евра што се доделуваат за секоја победа :)
И самиот Allegri во изјавите во пресрет на натпреварот, изјавува дека ќе бара од играчите да се оди на победа..отрки неколку од своите одлуки за изгледот на тимот што ќе истрча утревечер на San Siro..дефинитивно Rino, Abbiati и Zambro ќе одмараат, а Ibra ќе биди на клупа..во нападот најверојатно ќе се најдат Robinho и Dinho, но само ако gaucho е целосно опоравен од малата повреда..тоа значи дека Amelia ќе ја добри својата втора утакмица во ЛШ, а во одбраната ќе се врати  Luca..можно е Yepes да биди стартер оти Sandro го нема, Pirlo пак ќе е во стартерите, најверојатно и Flams..има и двајца младинци повикани, Merkel и Verdi..ова е целосната листа:
PORTIERI: Amelia, Roma; DIFENSORI: Abate, Antonini, Bonera, Jankulovski, Papasthatopoulos, Thiago Silva, Yepes; CENTROCAMPISTI: Ambrosini, Boateng, Flamini, Merkel, Pirlo, Seedorf, Strasser; ATTACCANTI: Ibrahimovic, Robinho, Ronaldinho, Verdi.

Битно е да се спомни и дека Ajax доаѓа без прв тренер, по оставката на Jol..jас очекувам убаво затворање на првата фаза, со победа секако..според играчите што ги спрема Massimo за мечот, ми се чини дека ќе се игра самба пред корнер знаменцето, по можност на неколку пати :) со прогнозите за формацијата и резултатот, повелете тука...

FORZA MILAN!!!

Sunday 5 December 2010

За промена или не

По долго време поминато во пасивен однос кон блогот и кон се сто се случува на неговите страни, решив да направам мала промена и освежување во дизајнот. Бидејќи немав со кого да се консултирам за изгледот и за тоа дали треба промена воопшто, решив да одиграм на прва и да ја направам промената, со тоа што сите оние кои се дел од овој блог, нормално ќе можат да кажат дали им се допаѓа вака и дали да се врати стариот layout или да продолжиме со овој. Однапред се извинувам за изненадувањето што ќе биде предизвикано од оваа промена, ама сепак е со најдобра намера. Чекам коментари и не штедете зборови на критики или пофалби.

Милан - Бреша, 3 - 0

Friday 3 December 2010

15ma GIORNATA!!!


Поминаа цели четиринаесет кола од првенството во најдобрата сезона на нашиот клуб изминатаите 6-7 години..петнаесетиот checkpoint го проаѓаме први, оставајќи ги најголемите конкуренти (Juve, Splinter, Roma) релативно далеку, на 6, 7 и 8 поени..на почетокот, малкумина беа тие што вака го замислуваа изгледот на табелата..сепак, ние уживаме во добрата игра и во победите и факт е дека не сме се осеќале вака моќно во изминатиот период..мене ми мириса на скудето и тоа го кажувам насекаде од пред неколку недели, без размислување кој како ќе ме разбери..доминацијата што момците ја воспоставуваат на најголем број на натпреварите и неконзистентноста на главните ривали, ми го даваат тоа право..јас сум свесен дека има многу до Мај и дека навидум мали работи можат да ја променат ситуацијата, меѓутоа ако главните две работи, менталната спрема и атмосферата, останат на вакво ниво, успехот ќе биди неминовен..видовме дека ростерот на екипата е доволно широк и длабок, за повредите на клучни играчи да неможат да не извадат од колосек..верувајте и запазете дека, се додека Galliani е секојдневно во весниците, без разлика какви се тоа изјави и колку држат место, атмосферата во клубот е одлична и тоа е знак дека на Milan му оди..запазете го тоа...
За два дена, во Сабота вечер на гости ни доаѓа промовираната Brescia..дефинитивно не е екипа од која треба да се стравува..со само двајца надпросечни играчи, треба да послужи како поправач на гол-разлика..и знам дека сега некој одма ќе се присети на нивното реми со гнасите на истиот стадион, ама јас би ве прашал: сензација ли е Brescia да одигра нерешено со Printer? нормално дека не, скоро се на исто ниво..одново добриот Caracciolo, кој ги повторува солидните игри од Palermo од пред 4-5 години и новопечениот репрезентативец, со ужасно деби - Sandro Diamanti не смее да бидат доволно опасни за Milan да има проблеми..повредени има, суспендирани не, така да познати се кандидатите за стартни 11..списокот со повиканите сеуште не е објавен, ама можиме да претпоставиме кој се ќе биди таму..утакмицата ја суди за нас познатиот и одличен судија Gervasoni..
неделава која остана неискоментирана на блогов донесе доста интересни работи, што директно и индиректно го засегаат клубот..можда најбитна за нас беше веста за Патката, која вели дека ако се оди по планот, после Нова Година, пак ќе биди на располагање на Allegri..од друга страна, за празниците можно е да добиеме уште едно офанзивно засилување..најсериозни кандидати се "нашиот" Matri и уште "понашиот" Balotelli..натаму, бомбастично беше и најавувањето на штрајкот на играчите, закажан за наредното коло, поради несогласувањето помеѓу челниците на лигата и асоцијацијата на играчите при обновувањето на колктивниот договор, така што најверојатно и ние ќе останиме ускратени од calcio задоволството за една недела..друга битна информација за екипата беше добивањето на противникот во Coppa Italia, а тоа е екипата на Bari..мора да се напомени дека ждрепката е исклучително добра, па се до финалето неможи да се сретниме со Roma, Juve, Printer, Lazio, Genoa, Napoli... најсериозни протвници во нашата поливина ќе бидат Samp и Fio..абе милина... :)
во вака лоша недела за италијанскиот фудбал, надополнета со испаѓањето на Juve, Palermo и Sampdoria до UEFA League, а најверојатно и на Napoli, повеќе од симболична ќе биди една голема победа во Сабота..ќе биди тоа уште едно докажување на големината, на зрелоста и на сериозноста пак да се застани на тронот и да се донесат работите на свое место..одвај го чекам натпреварот, знам и вие, оти сакам да гледам убав фудбал, шампионска екипа и конечно среќни лица на San Siro..

RITORNIAMO LA GLORIA!!! FORZA CAMPIONI!!!

Wednesday 24 November 2010

Top of our game

Таму сме сега, но и таму треба да останеме.
Ибра ефектот масивно се осеќа, 11 гола во 17 натпревари...уфф не се сеќавам кога некој имал таков ефект во последниве години(освен пипо кога цути напролет се разбира).
Но Ибра е повеќе од голови, тој е борба за позиција, јадење ќотек од метро и девеесет волови и сеуште стоење на нозе....едноставно Ибра е се она што ни фалеше во нападот и токму затоа во секоја формација и со секој партнер во нападот се усогласува.
Никогаш до сега не ми било толку мило што згрешив за еден играч,а и за Робињо ќе да згрешив.Полека но сигурно почнува да ја учи играта на Милан и серија а воопшто.
Но она што ми е најдраго што го глеам тоа е независноста на Милан,престанавме да зависиме од акциите започнати од Пирло, од пробивите и центаршутевите на Дињо по левата страна, од головите на Пато...тоа покажува зрелост, зрелост која многу ни фалеше.
Следат гостувања кај Сампдорија и Болоња,а ќе ги пречекаме Бреша и Рома,натпреварот со Ајакс не го споменувам бидејќи е тотално неважен, и јас да бев Масимилиано ќе направев една комбинација од резерви и играчи од младинскиот погон - нешто што ќе го направи натпреварот многу поинтересен.Од овие 4 натпревари јас ќе бидам задоволен и со 10 од можни 12 бода со кои мислам дека ќе останеме на врвот и по зимската пауза која ќе треба да ја искористиме паметно ако сакаме да ја зачуваме пол позицијата.



FORZA MILAN !!!


а да.... и овие Киево многу јаки бе !!

Monday 22 November 2010

CAPOLISTA!!!


Тоа е еден од моите омилени зборови во италијанскиот, особено кога е искористен во правилен контекст..тоа е баш оваа ситуација, кога capolista е оној кој заслужува да биде или едноставно нашиот Milan..и чудно е што при ваков развој на настаните, кога ние треба да бидиме презадоволни од игрите и резултатите на клубот кој го обожаваме, блогот е понеактивен од кога било..за ваква битна утакмица како онаа вчерашната немаше ни еден единствен коментар, а камо ли пост..во коло кога нашите ја зголемија разликата пред другите и кога најголемиот душман доживеа срамен пораз, блогов е најтивок и личи како да е наменет на Splinter..
се надевам дека повеќето од вас ја гледаа утакмицата во саботата..тие што ја гледаа, видоа еден јак Milan, компактен, одлично тактички поставен..побрз од тоа што сме навикнале да го гледаме, пред се, благодарение на разиграниот Robinho, кој е желен за докажување, ама и на Flams поради тоа што не ја задржува топката во средината, туку одма ја проследува до напаѓачите..јас сум за враќање на Pirlo во стартната постава, ама кога тој и Seedorf играат заедно од почеток играта е многу многу побавна..за Ibra секоја чест за мајсторијата при голот вреден три бода..меѓутоа дефинитивно се осеќа дека е преморен, а за жал нема кој да го смени..до кога ќе издржи вака, ке видиме..и уште огромно браво за Кичо, имаше неколку одлични одбрани за враќање во формата што ја имаше на почетокот на сезоната..
треба да бидиме презадоволни од расплетот на сезоната досега..во супер позиција сме по една третина од првенството, на шест бода од најблискиот сериозен ривал Juve, а гнасите се во огромна криза и заостануваат девет бода..следува незгодното гостување во Genoa, кај Sampdoria, а со евентуална победа во сабота, ќе можиме да здивниме и со полесен распоред да ја дочекаме новата година на врвот..пред тоа уште во Вторник, уште едно гостување кај Auxerre, за потврда на прогресот во втората фаза..
очекувам поголемо ангажирање на сите на блогот, најпрво за мечот во ЛШ, оти момците редовно не радуваат и заслужува овој официјален блог да биди многу поактивен..

FORZA CAMPIONI!!!

Sunday 14 November 2010

UNA VITTORIA GRANDISSIMA!!!


Има ли подобро чувство од ова???
Splinter е на колена, шампионот е на поразен..се наѕира новиот, комшијата, поголемиот, нашиот MILAN! Милано е повторно црвено-црн! Каква утакмица...
нерамноправна секако, меѓутоа грешката не ја бараме во друг..грешката е во незрелоста, во неискуството, а тоа доведе да го добиеме заслуженото на потешкиот начин..очигледно, можиме и така..не беше убаво, ниту опуштено, ама свирчето на Tagliavento ме направи најсреќниот на светот..и тоа на двапати, и во петтата и во деведесет и петтата..имаше сила и желба, ама имаше и памет, уствари многу памет..најмногу, секако на клупата, кај Allegri и Tassotti за без грешка да ја завршат нивната работа..а играчите... ХЕРОИТЕ НА МИЛАНО, во нивната најдобра партија години наназад, некои од нив дури непрепознатливо добри и препородени..ма прави шампиони..
е сега дури неможи никој да не запри..Prince решил во интерес на клубот, да го отстапи својот прекар на целата екипа..сега целиот Milan е TRAIN WITHOUT BRAKES!!

BRAVO CAMPIONI, FORZA MILAN!!!

Saturday 13 November 2010

DERBY DELLA MADONNINA - primo parte!!!


Го викаат дерби на Милано, јас го викам битка за Милано..има ли за некој од нас побитен натпревар од овој? има ли за некој printerista пострашен натпревар од овој? се сомневам...
Цела година го чекаме денот кога еден мизерен тим, полн со гниди, ќе проба да му се спротистави на великанот..оној што им служи како пример, како вечна инспирација..се трудат да го достигнат успехот, реномето, незнаат што е слава, ниту што е престиж..успеаа да блеснат еднаш, за сега да ги снема, а ќе ги нема уште долго..се додека не се случи пак некое „местење“, па да им поклонат титула(и)..затоа се најомразените низ Италија, поим за анти-фудбал, а пред да им стигне пакетот титули беа најисмејуваниот тим..сега имаат поинаков статус дефинитивно, оти сега претставуваат феномен..сите се трудат, ама никој да објасни како Splinter станал европски шампион..ама тоа ти е, чуда се случуваат...
Утре, по 175ти пат во Serie A, на ист терен ќе истрчаат градските ривали..секогаш интересно да се види кој ќе владее со градот неколку месеци, мада се знае кој е вечниот владетел..немојте да очекувате убава атмосфера, со оглед на домаќинот..ниту пак чист стадион после утакмицата :)
Специфика на првиот дел од овогодинешното дерби ќе бидат големиот број повреди на двете страни..за среќа, поголемиот дел на противничката страна..ќе фалат битни играчи, а нив ќе им фали и добар тренер..ми се чини Milan ќе мора да ги искористи конфузноста и стравот кај Benitez и на тактички план да го добие мечот..Allegri има капацитет за тоа, па ќе остане на играчите да го вратат она што самите го губат последните три натпревари..ние подолго време ќе ги немаме Pato и Pippo, а за утре нема да биде достапен ни Odu, така што остануваме со двајца напаѓачи..пирова беше победата над Palermo, не остави со проретчен напад..во вакви услови, не очекувам формација 4-3-3, па да не остане ниту еден напаѓач на клупа..најверојатно Dinho ќе биди тој џокер од клупа..уште поверојатно ќе добиеме една веќе позната за нас формација – дијамантот на Carlo, со тоа што Pirlo и Rino би си ги задржале тогашните позиции, Ambro би играл малку полево, а Seedorf понапред на trequartista (само за Васе )..малерот не прати, па сега кога ја комплетиравме одбраната, се растури нападот..
Без оглед, утре Milan игра против најомразениот противник и мотивот несомнено е огромен..кој и да е на терен, сигурно ќе го даде максимумот..одамна не сме почустувале ваква реална шампионска прилика, па редно е да ја искористиме..со победа и +6 од гнасите, тешко дека некој ќе можи ментално да не скрши..ах, колку добро изгледа победа над Printer… нема што, убаво е да се види градот обоен во црвено и црно и тоа цел!

ANDIAMO RAGAZZI!!! MILANO SIAMO NOI, SOLO NOI!!!

Wednesday 10 November 2010

AC MILAN vs. U.S. Citta di PALERMO


Продолжуваме понатаму со уште еден тежок натпревар, со уште една незгодна екипа..овојпат доста посилна од последниот противник..сега веќе, Palermo е состав со доста солидни поединци, што можат да им ги пореметат плановите на големите екипи..бидејќи Milan се вбројува меѓу нив, пред екипата на Allegri стои пречка која по секоја цена треба да биди прескокната..и поради задржување на добриот учинокот сезонава, а уште повеќе заради кревање на моралот во пресрет на Дербито..можда ќе ви изгледа како излитен муабет, ама јас навистина денес ич не се секирам за мечот в Недела..далеку побитно сега е како да се разбие Palermo вечерва на San Siro..по тоа што го изјавуваше Massimo вчера, ми изгледа како да го има рецептот за нови три бода..ме радува што не се откажува од своите принципи и начини на водење на екипата, без оглед на проблемите во ростерот..човекот ми делува стално ведар и мислам дека тој е најголемата причина за атмосферата која моментално владее..оптимизам има и кај навивачите, барем оние што кои јас контактирам (но не и на блогов) во смисла дека годинава, со пренасочување на фокусот од ЛШ кон првенството, конечно можиме да се радуваме на Скудетото..за разлика од ЛШ каде има пар страшни екипи, јас сум убеден дека во Италија сме најдобри и заслужуваме трофеј!
во однос на проблемите и составот за вечер, засега единствено се познати повиканите: Abbiati, Amelia, Antonini, Jankulovski, Nesta, Papastathopoulos, Thiago Silva, Yepes, Abate, Ambrosini, Boateng, Flamini, Pirlo, Seedorf, Ibrahimovic, Inzaghi, Pato, Robinho, Ronaldinho.
Од нив се знае дека Luca се враќа на местото на Zambro, кој е повреден заедно со Bonera и Oddo, КРВ си ја одлежа суспензијата, ама сега Rino е дисциплински аут..во одбраната ТЅ и Nesta се сигурни, а позициите во средниот ред се отворени..исто и во нападот, освен сигурното место на Ibra..
јас трите бода би ги освоил со... :)
Abbiati
Abate--TS--Nesta--Luca
Ambro--Pirlo--Prince
Pato--Dinho
Ibra

вечерва го напаѓаме врвот!! FORZA MILAN!!!

Sunday 7 November 2010

AS BARI vs. AC MILAN priview



Rino си е во право, a Pippo си е легенда и ние тоа го знаеме, него како ние денес да извлечиме три бода од San Nicola..после супер тежок дуел со Real, ама и мотивирани после, слободно можам да речам, дебалкот на Splinter, а во пресрет на Derby della Capitale, нашите треба да најдат начин да го вратат второто место и притисокот врз неприродниот лидер..Bari и не е некоја екипа од која треба да се има страв, ама теренот е жежок, како што е и низ целиот југ..работата е што таму веќе бевме еднаш, и тоа против значајно посилна екипа, па ги добивме трите бода..и тогаш беше натпревар после коло во ЛШ, а и тогаш беше после утакмица со Real..само што сега имаме покомплицирана работа со повредените играчи..комплетната одбрана е со повреди, а и Pirlo и KPB ги нема..нема да стартува ни Pato, а Yepes ќе дебитира на првенствена утакмица..ова значи дека ќе биди доста тешко без креативност во составот да се добие она што се посакува..екипата изгледа повеќе како со сила составена и без многу шмек..во секој случај ќе го разбериме Massimo оти на него е всушност најголемиот товар и негови се главоболките во ваквите ситуации..ние само можиме да си ја гледам утакмицата на нет, на ТВ да си оди Roma-Lazio и само да се надеваме дека индивидуалните потези на нашите ѕвезди ќе ни го донесат полниот плен..ова се екипите што ќе ги спротистават Ventura и Allegri...

BARI: Gillet; Belmonte, Masiello, Rossi, Parisi; Alvarez, Almiron, Donati, Pulzetti; Kutuzov, Barreto.

MILAN: Abbiati; Abate, Nesta, Yepes, Zambrotta; Gattuso, Ambrosini, Flamini; Seedorf; Ibrahimovic, Robinho.

FORZA MILAN!!!

Wednesday 3 November 2010

Night Of Champions

Супертешкашите Милан и Мадридски Реал ги вркстуваат копјата и нивните 16 титули вечерва на Сан Сиро во Милано.
Поразот од првиот дуел немора да значи ништо туку само бледо издание на вистинката сила на Милан.Овојпат го имаме Абијати на гол,се враќа и Силва како и Роналдињо.
За нас нема многу калкулации, се освен победа е неуспех со оглед на фактот дека Реал има дури 5 бода повеќе од нас, а Амстердамците ни дишат во врат.



Abbiati
Zambrotta,Nesta,T.Silva,Antonini
Gattuso,Pirlo,Boateng/Seedorf
Pato,Ibrahimovic,Robino/Ronaldinho


Очигледни се двете дилеми кои ги имам јас околу составот, но сигурен сум дека Алегри веќе ги има разрешено и знае кој кога ќе игра.
Спремни сме за уште една фудбалска класика на Сан Сиро, да му покажеме на Жозе и неговите милиони дека тимскиот дух и пожртвуваноста се посилни од група надувани супеѕвезди.






FORZA MILAN !!!

Saturday 30 October 2010

Италијанска фудбалска класика



Да, ова е дербито на Италија! Секое поврзување на тој епитет со некоја од останатите екипи во Италија е во најмала рака смешно. Иако недостасуваат повеќе фудбалери од двете екипи, сепак, Милан против Јувентус е секогаш шлагер на италијанскиот фудбал. Очекуваме одлична фудбалска претстава од нашите пулени вечерва и нормално победа!
Тиаго Силва не е доволно опоравен па не е во повиканите. Роналдињо официјално е повреден (иако се шпекулира дека го губи местото во стартните 11 од Бињо па симулира повреди за да си го сочува достоинството, се очекува негово заминување можеби веќе во Јануари). Напред продолжуваме со ударното трио Бињо, Ибра и Але.
Зад нив на Пирло ќе му го чуват грбот Рино и Боа! Назад се враќа Антонини лево, (најверојатно) Бонера десно а покрај Неста повторно ќе стартува Сократис Папастатопулос.
Епа момци одиме на три бода, како и секогаш нели?

Saturday 16 October 2010

Back to the business!

Се враќаме на Калчото! После репрезентативните настапи во кои уште еднаш се потврди познатата на Цацко „Ах бре Македонче“ се враќаме на оној фронт на кој што сме повеќе компетитивни, Милан! Следи турбулентен период, т.н лесен распоред полека но сигурно е зад нас и во следниот период имаме еден куп тешки натпревари. Вечерва играме со Киево, веднаш потоа се враќаме на Бернабе од каде што минатата сезона си заминавме со полн плен, фантастичен гол на Пирло и brace на Пато. Потоа следуваат неколку дерби натпревари... Сепак, пред се’ Киево!
Екипа која изненадувачки или не, се наоѓа во самиот врв на Калчото и која секогаш е опасна кога напред го има Пелисие. Покрај него тука е и Мантовани, Лучијано и уште неколку фудбалери кои можат да бидат проблематични за секоја екипа во Италија.
Кај нас за прв пат сезонава речиси целиот тим е на располагање на Алегри. Од оние на кои сериозно се смета не е повикан само Амброзини кој сеуште се опоравува од повредата. Изненадувачки брзо се рехабилитираше Абијати и веројатно е вечерва да биде повторно на голот (иако еден мал дел од мене сакаше Амелија да дебитира меѓу стативите). Алегри по се’ се чини не сака многу да калкулира и ќе оди со најдоброто во моментов.

---------------------Абијати

Замброта--------Неста-----ТС--------Антонини

-----Гатузо----------Пирло----------Сидорф

-------------------Роналдињо

----------Пато-----------------Ибрахимовиќ

Со тоа што можна е промена на бековската позиција, Антонини ако игра ќе биде со маска на лицето (поради скршениот нос), доколку не игра Замбро ќе биде LB а Абате RB.
Алегри полека но сигурно го наметнува својот авторитет (тоа може само да радува) и по одличниот тест против Парма ќе го уфрли Дињо повторно на AMC. Деновиве Дињо тренирал константно на таа позиција. Ако до минатата сезона бевме жртви како епика на желбата на Дињо да игра исклучиво како AML и дури и еден Леонардо не можеше да го промени тоа, сезонава е нешто друго. Алегри рече дека некогаш повторно ќе се игра со 4-3-3 во зависност од играта на секој противник. Ибра и Пато по подолго време (или ако сакате поточно по второто коло) повторно ќе играат заедно. Време е да се подмачкаат клиповите на машинеријата. Само да не се сопнеме, тоа освен 2 (или 3) загубени бода ќе значи и губење на самодовербата пред Мадрид!
На трансфер пазарот многу шпекулации, од Давид Луиз преку Контрао па Сисоко (во меѓувреме во Лион му ги исчистиле забите од забен камен, истите биле полирани а подоцна и пломбирани).
Доколку се интервенира во Јануари тоа би било најверојатно на бековската позиција а на лето со сите сили кон Давид Луиз.
Епа Forza Milan!

P.S Не си играјте со Чак Норис, со него не си игра никој па дури ни Берлу!!

Monday 11 October 2010

IL MIO SANGUE E ROSSONERO!!!


Никако неможев да добијам инспирација за насловот на постов, а уште помалку сакав да го гледам ваков блогот, празен, неинтересен..чудно е што атмосферата е ваква, кога добро ни почна сезоната и добар дел од нас се оптимисти во поглед на прекинување на безстрофејниот период..и јас сам неможам да си објаснам оти немам инспирација било што да напишам, да искоментирам, да дадам предлог за некоја собиранка..какви се не блогови посетив деновиве на тимови кои дури и се во зона на испаѓање и пак беше некако поживо..знам дека со текот на сезоната ќе се зачестат муабетите, ама сакав да напишам нешто колку да се разбие монотонијата..далеку е мечот со Chievo за да се пишува нешто повеќе за него, незнаеш што се можи да случи дотогаш..ама не дека нема трачеви и такви слични работи...
Pato би ја избрал Barca, а не Man.City, ако евентуално би заминал од кај нас..Идиотот Moggi (кој btw сега излезе невин за calciopoli) упорно повторува како Ibra ќе ја донеси титулата во Milanello само да не се повреди на подолго време до крајот на сезоната..Robinho со моменталната спремност не бил за во прв тим..Dinho ќе заминува во Јануари за да се направи место за враќањето на Kaka..Nesta назад во Lazio по крајот на сезона..дали Zambro е праведно повикан назад во репрезентацијата..и уште многу други приказни..некои стварно не држат место, ама ние ни за добрите не сме расположени за муабет..
Имаме уште ден-два пауза за квалификациите, а после тоа продолжува битката за конечно враќање на она што по дифолт е наше – Скудетото :) на старите патеки, со нови сили и предизвици и нормално со многу поактивен блог..клуб како Milan заслужува да има поактивен официјален блог во Македонија!


MILANO SIAMO NOI!!!
FORZA MILAN!!!

Sunday 26 September 2010

IN IBRA WE TRUST!!!



Добро е!!
Победивме во еден многу тежок и тврд натпревар за нови три бода и уште многу самодоверба..за повеќе оптимизам и освежување од овој пеколен ритам..го добивме токму она што ни требаше - минимална победа..да се остани фокусиран, а не пак да се дигне во облаци..секоја чест за пожртвуваната игра на момците со оглед на се поголемата присутност на факторот замор..се осеќа кај скоро секој во тимот... Dinho неможи да повлечи контра после 60тина минути, Ibra по примањето на топка прво се гради а после размислува за додавање, TS не е во можност да го покрива Antonini кога кон крајот сеуште се брка резултат, а Pirlo го има намалено радиусот на движење од почетокот на сезоната за половина..меѓутоа да се разбериме, не го пишувам ова во смисла на некоја критика, туку само ги истканувам негативните последици од ваквиот ритам..
ама пак и покрај сето ова, разликата вчера, како и на последните два меча ја прави Ibra..можда ќе речи некој дека не игра којзнае како, ама без него и неговите голови, Milan ќе го имаше еден од најлошите стартови на сезоната..или поедноставно речено, се ќе беше исто како минатите неколку сезони..колку и да не ми е омилен, неможам да не признаам дека Ibra ни ја даде толку очекуваната убоитост во нападот..можеби начинот на игра не е многу променет сезонава, но дури и во такви услови тој успеа од ништо да направи нешто, на четири пати досега..
незнам дали ќе се согласите со мене, ама вчерашната утакмица ме увери во нешто – Seedorf е подобар како резерва..мислам дека и Massimo го увиде тоа и наместо исвиркуван за забавување на играта, тој има една супер-резерва кој можи да покрива повеќе позиции..од друга страна го има KPB од почеток, кој е (со речникот на Б.Илиевски) најпргавиот играч на теренот и многу работи или Binho кој се повеќе се вклопува во играта, поопуштен е и доста добро физички напредувал.. за одбележување е и Rino, во неговата најдобра изведба сезонава, како дефинитивно најистакнат поединец вчера и дефинитивно еден од милениците на Allegri..
и наместо заслужениот одмор, тие од денес се пак во Milanello..ги чека уште потешка недела со две гостувања кај многу незгодни екипи..искрено се надевам дека тренерот има идеја како да се справи со премореноста кај некои од играчите, оти не постои шанса истите играчи да одиграат уште два вакви меча за шест дена..најбитно за него е дека нема нови повредени, а за нас дека уште двапати со ред ќе го гледаме нашиот Milan..СРЕЌНО МОМЦИ!!

FORZA MILAN!!!

Saturday 25 September 2010

Wednesday 15 September 2010

Moving on...



Одиме понатака : Милан - Оксер

Повикани играчи:

Голмани: Абијати,Амелиа,Рома
Одбрана: Ѕамброта,Бонера,Неста,Јепес,Антонини
Средина: Абате,Амброзини,Пирло,Гатузо,Фламини,Боатенг,Сидорф
Напад: Роналдињо,Робињо,Пато,Ибрахимович,Инзаги
Повредни се Фламини и Силва, а Одо и Јанкуловски не се повикани


Веројатен состав:

Абијати
Ѕамброта,Бонера,Неста,Антонини
Амброзини,Пирло,Сидорф
Пато,Ибрахимович,Роналдињо



Оксер не се наивен тим, иако минатата сезона го фатија последниот воз за ЛШ а пак оваа имаат 4 нерешени средби во 4 натпревари не треба да се потценат(како што се потцени некојси Цирих минатата сезона).Најзвучни имиња кај нив се Педрети, Бирса и Ле Талек.


Очекувам победа




FORZA MILAN !!!

Thursday 9 September 2010

UN VIAGGIO A CESENA!!!



Конечно заврши двонеделната репрезентативна пауза! Велам конечно, затоа што ми се чини дека никогаш не сум бил "погладен" за фудбал, клубски секако..дури и оние шампионски денови пред седум-осум години кога исто како и сега одвај го чекав секој следен натпревар, неможам да ги споредам со ова сега..тогаш незнаев многу работи за и околу клубот кои денес ги знам; тогаш неможев да ја пратам секоја утакмица на клубот, а сега можам; и најбитно денес Milan има ситуација на многу сушни скудето сезони, нешто што тогаш неможев ни да го замислам..тогаш после секој изгледан натпревар знаев дека тоа е мојот тим, бев горд оти беше најдобар, играше убаво за око, делуваше доминантно..ама пак, без оглед на постот домашен, секоја сезона влегувавме со надежи за поуспешено издание..и којзнае колку години истата приказна - некаде околу Март или Април кога ќе беа загубени шансите за титулата наоѓавме мал милион причини за неуспехот..е баш затоа го пишувам сето ова... "сега го немаме тоа оправдување!" - Massimo Ambrosini
денес имаме нешто друго..мотивирани навивачи, силна екипа, заситен шампион, нови засилувања, подолга клупа, нов тренер, стариот добар papa Silvio, дури и ганц нов автобус (види фотос) :D
имаме и одлично прво издание сезонава, надокнадено со 4 гола..а како мотивација плус ги имаме и конкурентите на минус..кој два, кој три бода... за репризата која ја очекуваме во второто коло Massimo нема да ги има на располагање Sandro, Seedorf и Flams..со првите двајца клубот несака да ризикува, па се очекува да бидат во тимот за во Среда..со Flams ситуацијата е поинаква, сеуште санира повреда и ќе го нема за скоро..и со ваква слика на екипата, не би требало да има проблеми со оглед на успешните претходни изданија на Papa и KPB, кои најверојатно ќе ги завземат тие места..една од најинтересните работи, секако ќе биди изборот на Massimo на напаѓачкото трио..
мое убедување е дека доколку оваа недела не се играше CL, Dinho-Ibra-Pato би бил логичниот избор, но со оглед на противникот во Сабота, можно е таа комбинација да се чува за Auxerre..како и да е, сите ние повеќе од што и да било очекуваме победа против Cesena, која истотака мотивирана после ремито на Olimpico ќе тргни кон ново изненадување..
затоа подобро да ја вратиме Cesena во реалноста, отколку ние да се вратиме назад, во болното блиско минато!
и знам дека сите одвај чекате да дојди Сабота, мислите ви се само таму и затоа никој ништо не пишуваше на блогот деновиве :) уште Телма да не израдува и да кажи дека Milan ќе оди во пренос, што ми е баш сумљиво...



FORZA MILAN!!!

Thursday 2 September 2010

Sunday 29 August 2010

МИЛАН 4 - 0 ЛЕЧЕ



Ова е мојот Милан! Ова е тимот што сакам да го гледам! Секоја чест за тебе мајсторе, ова е твоја заслуга! Роналдињо на 4-0 да се враќа назад на бек и да се бори за секоја топка... Пирло класика, како во старите добри времиња, Пато ѕвер, Пипо е класа за Бориело, секој дел од теренот беше на ниво и повеќе од тоа. Во второто полувреме малку ја попуштивме педалата за гас, ова можеше да биде уште поголема катастрофа за гостите. Ибра само аплаудираше од трибините...
Браво мајстори!!

Monday 16 August 2010

OFICIJALNO : TV TELMA KE JA EMITUVA SERIJA 2010/11 EKSKLUZIVNO SO 5 DIREKTNI PRENOSI SEKOJ VIKEND + PREGLED SEKOJ PONEDELNIK OD 19:30 + MAGAZIN SEKOJ PETOK KAKO NAJAVA NA KOLOTO


Ова е пастирано од фејсбук профилот на интеристот Бранко Илиевски пред околу 4 часа.
Оваа сезона поактивни ми изгледаат од Телма, ако ништо друго ние сме си сигурни за разлика од енглезите кои изглеа ќе се гледаат на ppv :)


FORZA TELMA !!! FORZA MILAN !!!

Sunday 25 July 2010

PRE-STAGIONE!!!










Од денес почнува новата сезона за нашиот Milan!
Подобро речено денес почнува подготвителниот период исполнет со неколку натпревари и тоа, освен денешниот, воведниот натпревар против Varese, сите со ептен квалитетни екипи..традицијата ни го наложи токму Varese како прв противник во меч на кој ќе дебитира новиот тренер на rossoneri-те Massimiliano Allegri..го запознавме и него изминатитот месец, меѓутоа само површно, а од денес па натаму (се надевам и му посакувам уште многу години) ќе ја запознаваме и ќе пробаме да ја разбериме неговата филозофија за фудбалот..негово си е да работи и да носи резултати, а наше си е да коментираме околу неговата и работата на играчите..затоа се надевам дека ќе почниме уште вечер, со првиот натпревар од 10/11 (пред)сезоната..ја разбирам неактивноста на блогов поради одморите, ама од денес почнуваме заедно со il nostro Milan и веќе ништо не е исто :)

Сигурен сум дека го знаете, ама морав да го истакнам распоредот за постот да биди комплетен:

Luglio 25 a Varese: Varese - Milan;

Luglio 31 a Londra: Emirates Cup: Arsenal - Milan;

Agosto 1 a Londra: Emirates Cup: Milan - Lyon;

Agosto 7 a Detroit: Milan - Panathinaikos;

Agosto 13 a Bari: Trofeo Tim (Milan, Inter and Juventus);

Agosto 22 a Milano: Trofeo Luigi Berlusconi: Milan - Juventus;

Agosto 25 a Barcelona: Trofeo Joan Gamper: FC Barcelona - Milan.


FORZA MILAN, SEMPRE CON TE!!!

Thursday 1 July 2010

RITORNO A MILANELLO!!!



Со привршувањето на мондијалот, интересот на фудбалската јавност повторно се враќа на новините на клубско ниво..не очекува можеби најинтересниот период, оној после некое СП, кога се очекуваат доста бомбастични трансфери на европските гиганти..вбројувајќи го и Milan меѓу нив, ние како навивачи на најтрофејниот клуб на сите времиња, имаме свои очекувања, барања, желби...
меѓутоа на другата страна (буквално на другата страна, заради популарноста помеѓу навивачите и нивните конфронтирања) го имаме најтрофејниот претседател на клуб (никако во политичка смисла) на сите времиња, истотака..дефинитвно најзаслужниот за успесите на клубот изминатите 20 години, но и дефинитвно најзаслужниот за губењето на сјајот и имиџот на клубот последните 5 години..човекот го сака, абе го обожава Milan и тоа е несомнено, ама уште 25 години на чело со него!?, не Silvio, фала ти..незнаеме кога ќе му текни дека е доволно или не е тоа што го дозволува како трансфер-буџет..никој што го прати денешниот фудбал не е толку наивен и сите знаеме дека се потребни многу пари за да одржуваш клуб во европскиот крем.. меѓутоа страшно е ако самиот газда мисли дека со изјавите за „најтрофеен клуб“ или „екипа полна со шампиони“ ги смирува навивачите и го извлекува бесот од сушните сезони..се работи ли само за циклус? некои ќе го наведат токму тоа, меѓутоа јас нема да се сложам..Milan зависи од волјата на еден човек, кој btw е непредвидлив и секако од неговиот политички, да не речам државнички успех..
преку управата доаѓаме и до еден нов лик во клубот, тренерот Massimiliano Allegri..бивши тренер на Cagliari, добитник на Panchina d'Oro за лани и толку..ни тргна со неискусни и млади тренери, ама ваљда нема да ги менуваме на секоја година..без оглед на репутацијата на новиот тренер, не би било добро да ја критикуваме ни одлуката за негово назначување, ни него лично се додека не почни да ја обавува својата работа..штета што првата активност на Allegri беше изјава дека клубот има доволно добра и конкурентна екипа..треба да знае дека тоа навлекува бес од фановите!
и како на почетокот на секоја од последните неколку години, а особено по заминувањето на Carlo, ние се надеваме (подобро, се палиме) на искористување на бисерите од младинскиот погон..кај да е, тоа ќе мора да се случи за брзо време и тоа не дека на некој конечно му текнало, туку поради играчкиот дефицит, предизвикан од нашата неактивност на пазарот..видовме и лани дека кога има 4-5 повредени играчи, тренерот е принуден клупата да ја пополнува со младинци..тоа е голем проблем на Milan...
значи нов тренер во нова сезона, со ново Audi Q7 :) На 20ти Јули е стартот на припремите, а првата проба е на 31ви Јули кога почнува Emirates Cup со уште Arsenal, Celtic и Lyon..првенството започнува на 28ми Август..



и уште на крај, за единствениот in-трансфер кој што се случи во клубот - го добивме на позајмица Marco Amelia со опција за трансфер потоа, што по мое мислење е одличен избор..тврдам дека е подобар избор од Storari, кој си замина во Juve и супер конкуренција за Abbiati..се навестуваат уште нови имиња од кои едно супер-засилување, ама нас веќе никој неможи да не прелажи и веруваме само на comunicato ufficiale! ќе прочитаме уште мал милион шпекулации летово, оти Milan е голем клуб и секогаш интересен за публиката..уште да ја докажи големината... да ја докажи papa Silvio, не да ја прекажи!!

FORZA PER IL NUOVO MILAN!!!

Wednesday 16 June 2010

WORLD CUP 2010



Со оглед на тоа дека течи најфудбалскиот месец за овој циклус од четири години, а активноста на блогот и темите се далеку од посакуваните се решив да пробам да ја разбијам неактивноста и да си помуабетиме нешто околу Светското првенство..очекувам прогнози, анализи на вашите фаворити, на досегашните натпревари, па и на идните и секако оцена на нашите rossoneri на Мондијалот..досега сите за Milan, сега можеби сите за различни репрезентации, па да го видиме блогов со поразгорени дебати и некоја расправија :)

П.С. Го барам Владе да ме поддржи околу одбраната на тронот на azzurri-те :) Ќе си земам за право оттука и јавно да ги поддржам!

FORZA MILAN!!! FORZA ITALIA!!!

Sunday 16 May 2010

Saturday 15 May 2010

End of the line

Истоимениот наслов на последната мисија на играта на сликата се поистоветува со крајот на сезоната.
Видовме се сезонава, од неверојатни пресврти, газењеа на противници, голови во последните минути, театарска претстава на сред Бернабе...но и видовме и срам на Олд Трафорд, и безброј слични срамови со далеку поанонимни клубови и стадиони.
Сума сумарум на сезоната е дека беше добра,прашувајќи го Галијани беше одлична!3то место освоено,1/8 финале во Лига на Шампиони-доста е нели?
Да се разбереме, не сум толку разочаран од резултатите, игрите, повредите, па ајде и вољата за победа но она од што сум најмногу разочаран е фактот што работите не идат на арно а никој не се обидува да стори нешто во врска со тоа.
Срамота е за 7 (СЕДУМ) кратен еврпоски првак да си постави цел во сезоната да заврши на 3то место!Срамота е тренерот кој со едвај некакви ресурси,раштиман и застарен тим да успее да направи се што направи да биде избркан(а и да не е избркан што мислите од убавини не останал?)
Како вечен песимист, предвидувам исто сценарио и следната сезона, можеби со малку среќа ако успееме да направиме некој паметен пазар како со Пато или Т.Силва и уште подобро промовираме некој од младичиве во првиот тим(уште едно браво за нив!)
Натпреварот со Јуве ќе се игра за престиж, иако знаеме дека за фудбалските состојби во Италија тоа би значело формалност, и некое здодевно 1-1 реми.
Бараме залаганост!Бараме напредок!

Збогум Лео, се надевам дека ќе се вратиш за 2-3 години со поголемо искуство и да го вратиш овој тим на победничките патеки!


Еден е Милан!!!





FORZA GRANDE MILAN !!!