Најава: Il Derby della Madonnina!

Ниедно градско дерби не смее да остане незабележано или ненајавено на блогов, без оглед на тоа во какви гужви и со какви обврски сме окупирани. Некои од нас со работа, некои животни одлуки и настани (честито Жаре J). Признавам дека денес сум најнеспремен пред едно дерби, од кога знам за себе. Да бидам до крај искрен, до пред 10 минути не знаев ниту кои играчи се повикани, а камоли кои би стартувале. Но сеедно, моите извори од Милано го кажуваат следново: J

Pippo ќе го има скоро најсилниот состав достапен, слично како и старо-новиот тренер на комшиите – Mancini. Меѓу тие што нема да стартуваат, но ќе бидат на клупа е капитенот! Monti е повикан по неколку пауза од повредата и според реакциите на Twitter е многу возбуден и жеден за фудбал.

И ние и Inter сме во многу слична ситуација и во поглед на формата и во поглед на позиција на табелата. Тоа веројатно ќе го направи Дербито уште поинтересно и понеизвесно. Мотивот сигурно нема да недостасува, кореографиите исто така. Барем CurvaSud најаваи спектакл.

Одиме момци, да го направиме Милано црвено-црн, одново!

FORZA MILAN!!!

Враќање во ЛШ конкуренција!

Факт е дека по почетната еуфорија и позитивни игри полека но сигурно влегуваме во некоја летаргична фаза. Се надевам дека ќе се раздрмаме позитивно после вечерашното гостување на Zamparini на San Siro. Со победа се враќаме на третото место со Sampdoria која ја победи со 3-1 истата онаа Fiorentina со која ние не успеавме да се справиме претходно. Palermo како и неговиот сопственик, секогаш е непредвидлив противник и од него може да се очекува апсолутно сè (а најчесто смена на тренерската клупа). Оваа екипа му даде 3 гола во гости на Napoli а успеа да прими 3 од Empoli односно 4 дома од Lazio. Имаат прилично млада и инвентивна двојка во нападот во имињата на Dybala и Belotti (голем фан на Milan и фантастичен во младата репрезентација на Италија). 

Сепак доколку ние одиграме на нивото на кое одигравме првите неколку натпревари сезонава, не би требало да имаме поголеми проблеми со нив. Особено не ако рано го отвориме мечот и продолжиме да газиме на гаста во текот на дуелот. Кај нас покрај долгорочно повредениот Montolivo во аут е и камиказата Sulley поради жолти картони и за жал Jack кој после фантастичниот гол и одличната партија на mezalla против Cagliari, ќе паузира поради потрес на мозокот од удар во главата на тој дуел. Поради сето ова веројатно еден од Van Ginkel и Saponara ќе го започне денешниот натпревар од старт (повеќе предност му се дава на нашето дете). Напред прилично сигурно повторно ќе стартува Torres и Honda а El Sharaawy и Menez ќе се борат за онаа AML позиција. Одбраната ќе биде истата. Pippo беше категоричен дека и покрај лошиот период на De Sciglio тоа е иднината на италијанскиот фудбал и идниот Maldini на клубот и тој секогаш ќе игра кога ќе биде здрав! Огромна доза на доверба од тренерот кон младиот фудбалер. Зад нив на голот конечно се очекува враќањето на Diego Lopez кој веќе предолго време е во аут.

Едноставно треба да одиграме на Pippo ниво на игра и да не се олабавуваме после евентуален постигнат гол туку да го одржиме нивото на игра до крајот.

Forza Milan!!!

Најава: Cagliari vs Milan!

Уште го чувствуваме горкото од ремито во неделата, а веќе вечерва ново коло. За помалку од еден час, на гости на Сардинија, против Cagliari. Можеби поинаку ќе го дочекавме натпреварот денес ако се оствареше она што, можеби премногу го посакувавме пред три дена. Вака, атмосферата малку спласна, дури и од клубот беа тивки деновиве. Тоа веројатно е и подобро, барем тоа го зборува искуството од тековната сезона. Навистина се одиграни само осум кола, но убаво можат да се разграничат натпреварите пред кои притисокот и очекувањата биле големи и не сме успевале и оние каде во мирна атмосфера се припремале играчите и каде трите бода завршувале на нашето конто.

Во овие три дена, само пресот од на Pippo вчера можеше да се извлече некоја претпоставка околу стартерите вечерва. Inzaghi најави дека ќе има неколку промени во тимот, иако во повиканите ниту една во споредба со неделата. Не е повикан ниту Armero, иако колумбиецот веќе не е повреден. А искрено се понадевав на него како евентуално освежување после ужасниот меч на De Sciglio. Главните две промени во стартерите се на голманската позиција и во шпицот на нападот. Pippo имаше можност да се увери дека Abiatti, за жал, не е повеќе достојна конкуренција на Lopez и уште повеќе и поважно, дека без вистински шпиц во нападот, играта на тимот е коплетно различна. Да бидам подиректен, импровизирана. Затоа денес назад се враќа Torres. Honda и SES лево и десно од него. Останатите две промени би требало да се Rami на местото на Zapata и Jack на местото на Poli. Иако наместо Poli, јас би го седнал на клупа Muntari, сепак ризикот да добиеме премногу офанзивна формација, веројатно ќе пресуди во одлуката на Pippo. За Rami, лично, многу ми е мило ако го видам назад во стартерите. Останатите се стандардните NDJ, Abate, De Sciglio и Alex.

Денот започна убаво, со одлична победа на Primavera против Sassuolo, ајде уште поубаво да го затвориме денот!

FORZA MILAN!!!

Натпревар кој вреди злато!

Натпреварот кој вечерва ќе го одиграме против Fiorentina на San Siro е буквално еден од оние мечеви кои вредат злато! Синоќа Sampdoria одигра 0-0 со Roma и со наша евентуална победа вечерва, конечно стапнуваме на она посакувано 3то место (квалификации за ЛШ) и доаѓаме на само -2 бода од второто место односно од Roma. Дополнителен податок во наша полза е тоа што тимот на Fiorentina минува низ лош период, како резултатски така и во однос на повредените фудбалери. Rossi и Gomez се подолго време во аут а  нивната главна карика во средниот ред, шпанецот Borja Valero веќе 2 меча во серија е на клупа поради повреда и дури вечерва се очекува да стартува во средниот ред (фудбалер кој ни создаде многу главоболки во минатата сезона). Од друга страна доколку нема некои несакани повреди на последниот тренинг, Montolivo е единствениот фудбалер на кој не може да смета Pippo. Тоа значи дека во тимот повторно ќе стартува Don Keisuke!

Сезонава ја игра како вистинска нинџа! Неупадлив, тивок, повлечен, невидлив... и прв стрелец во Калчо! Постигна вкупно 6 гола на досегашните 7 меча. Постигнува голови и со двете нозе, од отворена игра и од слободен удар, па дури и со глава. 6 гола на 7 меча без ниту еден гол од пенал!

Кога сме кај него, се шушка дека Man City размислува да понуди сума од 18 до 20 милиони евра за неговите услуги уште во Јануари.

Веројатниот состав: постојат 2 недоумици, едната е на голот каде што првиот голман на тимот Diego Lopez е фит за да застане меѓу стативите, но Кичо имаше одличен последен натпревар против Verona со неколку извонредно важни интервенции. Втората дилема на Pippo е во нападот. Поради погоре наведените причини Don Keisuke е недопирлив па еден од El Shaarawy, Torres и Menez ќе мора да го почне мечот од клупата. Во средината ќе се продолжи со 3 фудбалери поради сигурниот настап против Verona, а по враќањето на одморениот De Jong таа игра во средината би требало да биде уште поцврста.

Кај гостите ќе треба да се обрати особено внимание на Cuardado и Borja Valero, како и на играта на Babacar во нападот кој е доста незгоден. Се надевам дека притисокот нема да ги изеде момците. Фантастична можност да дојдеме до 3то место, да дојдеме на само минус 2 бода од второто место и да му зададеме удар на директен конкурент за борбата за излез во Европа.

Forza Milan!!!

P.S Бонус: Нашиот сегашен тренер го постигна својот деби гол во светиот дрес токму против вечерашниот противник.

Ќе ни годи ли Bentegodi?

Нема ништо послатко од клупски фудбал после репрезентативна пауза. Веројатно никогаш нема да сме почувствувале колку недостига клупскиот фудбал ако не постојат репрезентативните паузи. После паузата која изгледаше како цела вечност, се враќаме во Калчо и се надеваме дека ќе ни годи Bentegodi. Паузата помогна да се рехабилитираат некои фудбалери (во прв план Diego Lopez а потоа Bonaventura, Saponara и Van Ginkel) но го загубивме Menez кој заработи непријатна повреда од која половично се рехабилитираше, довоно само за клупата за резервни фудбалери. Тоа значи дека повторно ќе го гледаме Toress како најистурена напаѓачка игла во нашата игра, поткрепен од Honda и El Shaarawy (по подолго време) по крилата. Дотука изгледа сосема во ред. Сепак, проблемот е зад нив. Nigel De Jong ќе мора да го одмори овој меч поради жолти картони а кога на тоа ќе се придодаде и долгото отсуство на Montolivo, ситуацијата во средината е далеку од идеална. Затоа Pippo се одлучи повторно да се врати на 4-3-3 за да добие малку повеќе на сигурност во средината која ќе биде составена од фудбалери кои не се баш најдоброто решение за стартери особено кога покрај нив нема ниту еден од De Jong односно Montolivo. Лобито од Ghana ќе биде присутно (Muntari + Essien) а на нив најверојатно ќе им прави друштво Poli (резервната и помалку веројатната варијанта е Bonaventura како mezzala). Ова значи дека креирањето на играта во средината ќе биде сведен на некоја позитивна нула иако некогаш и слепа кокошка може да погоди зрно. Јас лично би бил задоволен доколку средниот ред барем одигра пристојно во дефанзива и не прави некои камикази потези како оној на Muntari против Chievo. Во одбраната и на голот ќе настапиме со најдоброто што го имаме во тимот. Тоа значи од лево кон десно De Sciglio, Rami, Alex и најдобриот бек асистент во лигата, Nacho Abate. Зад нив се враќа Diego Lopez кој на последниот натпревар на кој настапи прими 4 гола и се повреди при комичен автогол. Се надевам дека ќе продолжи онаму каде што застана против Lazio а не против Parma. Сето ова убаво илустрирано би изгледало отприлика вака:

Од она што паѓа во очи кога станува збор за противникот можеме да го издвоиме Luca Toni. Бардот на италијанскиот фудбал (заедно со Toto Di Natale) и во својата 37ма година од животот повторно прилично често ја врти раката околу глава кога постигнува голови. Дури и кога нема да постигне гол, Toni вреди злато за играта на Verona. Во суштина нивната игра (кога не се тоа нафрлања од корнер) се состои од тоа да стигне топката до Toni, тој да ја смири, загради додека не пристигне едно од двете крила, потоа ја проследува топката во простор до крилото и оди напред во срцето на петерецот и чека повратна топка од истиот фудбалер. Нема многу филозофија но носи резултат. Сепак, со оглед на нашиот одбранбен тандем (Rami и Alex) мислам дека Toni нема многу да се изнаигра бидејќи и двајцата важат за одлични фудбалери во воздух а Toni е фудбалер кој во спринт не би успеал ниту да ја престигне 74 годишната баба Рада од Богданци а не пак некој како Rami или Alex. Сепак со нашата одбрана секогаш постои тој Х фактор за ултра смешен blunder па ќе треба да почекаме 10 минути по последниот свиреж на судијата за да бидеме сигурни во конечниот резултат.

Имам уште доста да пишувам меѓутоа го чекаат постов на твитер па ќе морам да привршувам. Verona важи како ултра тешка екипа за да се игра против неа на Bentegodi но би требало веќе да почнеме да собираме бодови на вакви мечеви кога веќе изгубивме против Empoli и Cesena. Овој меч е уште поважен од аспект на тоа што во овој викенд настапуваат Printer и Napoli меѓусебе па би можеле да бидеме големи добитници после ова коло. Само да не подлегнеме на жестоката атмосфера на Bentegodi и да не направиме некој ултра смешен потег на кој би можел да ни позавиди дури и Стиви Џи.

Ни треба глад за успех и љубов кон боите на клубот, момци!

Segna per noi!

Победа, за враќање на самодовербата.

Статистиката вели дека дома со Киево имаме ремизирано само 2 пати и победено дури 10 пати, а немаме изгубено никогаш. Подобар противник не ни можевме да посакаме. Пипо и момците знаат што можат да направат, и дека со противник како Киево треба да се притисне додека стигнеме до првиот гол, понатаму ќе им се распадне цел систем и победата може да биде и поубедлива.

За првпат во одбраната ќе бидат нашите најдобри стопери Рами и Алекс кои не знаеме колку се компактни за да играат заедно. Кичо ќе биде на голот а Де Шиљо и Абате по страните. Де Јонг и Поли стандардни во средината, и најверојатно Бонавентура што за мене е изненадување. Во нападот Менез, Торес и Хонда ќе се обидат да го скршат отпорот на летачките магариња.

На другата страна ќе ги имаме незгодниот Палоши кој Пипо сакаше да го потпишеме летово како бекап, и нашиот млад талент кој е пратен да се надоградува во Киево, Словенскиот Кројф - Валтер Бирса.

Шала на страна, мора да се стегнеме во одбраната конечно ако сакаме да не гледаат другите екипи сериозно и овој меч е совршеното место за почеток. Искрено се надевам дека ќе дадеме 3 гола, дека Де Шиљо и Абате ќе се изнатрчаат по страните а дека Рами и Алекс ќе бидат ѕид кој не ќе може никој да го пробие.

Малце ќе го скратам постот во недостаток на време и идеи, и би сакал да ве известам дека најверојатно во иднина се помалце и помалце ќе бидам дел од овој блог и се што е поврзано со Милан, пред се затоа што ќе се селам во друга земја, и работното место ќе ми биде такво што незнам колку време ќе имам и да ги гледам самите натпревари на Милан а не па да коментирам и слично.

FORZA MILAN !!!

Рехабилитација

Токму тоа е терминот кој се врти во главите на Pippo и неговите пулени пред денешниот меч во Cesena. Сезоната ја почнавме одлично, дури и подобро од реалните очекувања и потоа изигравме слаб меч против реално подобар противник и натпревар во кој заслужено загубивме па исходот не беше толку трагичен. Меѓутоа веднаш потоа имавме еден натпревар со црни први 30тина минути, пола час во кој нашата екипа (пред се нашата одбрана) не знаеше што се случува и само добриот Abbiati на голот спречи да не добиеме поголем дебакл од Empoli. Потоа се консолидиравме, се вративме целосно во мечот и имавме пречка преку Menez за победа. Тоа го покажува духот на тимот и верувањето во позитивен резултат до самиот крај но вакви падови не можат вечно да се покриваат со тимскиот дух! Мораме веќе полека да ја стабилизираме одбраната и да играме како стабилен тим од висока класа наместо како непредвидлив тим кој може секој да го торпедира и од секој да биде торпедиран! И тоа треба да се покаже уште денес!

Како што може да се забележи и од графиката погоре во овој меч за првпат сезонава ќе стартуваме со 4-2-3-1 (тоа го игравме во второто полувреме против Empoli и успеавме да се вратиме од негатива од 2 гола). Pippo веќе извесен период го користеше овој модул на тренинзите во Milanello меѓутоа сметаше дека треба да помине некое време пред да го имплементира на меч. Сепак, кризата во повредени фудбалери на средината од теренот го забрза овој процес и веќе денес ќе ја видиме оваа формација од самиот старт. Во оваа формација Menez има слободна улога и во напаѓачкиот дел ќе биде дефакто втор напаѓач во тимот и ќе се уфрлува во 16никот до Torres. Во дефанзива Honda и Bonaventura (El Shaarawy) ќе треба да се повлекуваат назад дури до крилата и така оваа 4-2-3-1 во дефанзива би требало да изгледа класична 4-4-1-1. Лошото во овој модул е во тоа што тимот е многу ранлив во контранапади односно во ситуација кога ќе ја изгубиме топката на противничката половина. Тогаш сме особено изложени по двете аут линии и затоа треба да внимаваме на лоша пас игра на противничката половина. Позитивната страна на овој модул е во тоа што ние треба да ја контролираме топката и играта на теренот и случувањата треба да бидат околу нивниот 16ник а секој погрешно изведен контранапад од страна на противникот би требало да значи речиси сигурна барем полушанса од наша страна. Значи ако ние имаме проблеми со контранапади од нивна страна тие ќе имаат уште поголеми проблеми доколку згрешат при нивен контранапад. Се надевам дека бев доволно јасен :)

Околу првите 11... Повеќе или помалку тоа се оние кои ќе го почнат мечот. Некои дилеми постојат пред се во дефанзива каде Alex може да влета во срцето на одбраната доколку е доволно фит. Тој во секоја комбинација е прв избор во дефанзива меѓутоа веројатно нема да се ризикува со директен старт после повредата против Parma па веројатно мечот ќе го почне од клупата. Другата дилема се однесува на партнерот на De Jong во double pivot формацијата. Тука Essien е во блага предност пред Muntari поради неговата поголема тактичка зрелост и чување на своето место на теренот за разлика од Muntari кој знае да прави излети до противничкиот петерец а потоа не се враќа а тоа е извонредно опасно во оваа поставеност на теренот. Другата причина е тоа што Muntari по првите 2 солидни меча сезонава беше ужасен против Juventus и особено против Empoli. И Essien како и Alex се враќа од повреда па веројатно тоа ќе го диктира неговиот евентуален старт и минутите поминати на теренот. Третата дилема е онаа на која сите најмногу Ви боди очи. Да, El Shaarawy. И за него може да важи она што беше претходно напишано, не е доволно фит. Меѓутоа и не само тоа. Bonaventura е повеќе компатибилен со оваа тактичка поставеност на теренот пред се во дефанзивниот дел. Тој доста играше како класично лево крило во формација 4-4-2 во Atalanta и добро знае да го игра тоа во дефанзива а на Pippo повеќе му треба закрпување во дефанзива отколку фудбалер повеќе во офанзива (каде сезонава сме одлични а ова е само втор меч каде заедно ќе стартуваат Torres, Menez и Honda). Од Bonaventura очекувам повеќе да покрива во дефанзива а во офанзива од него се очекуваат оние интелигентни додавања во длабочина и втрчување во 16никот од втор план. Пред се она првото.

Околу тимот на домакините, Marilungo и Brienza се фудбалери кои се познати во Калчо рамки но не би требало да прават посебни проблеми особено кога Bonera е далеку од теренот. Затоа големи проблеми може да ни направи Leali кој важи за еден од најталентираните млади голмани во Италија и кој во Cesena е на позајмица од Juventus. Кога сме кај младите талентирани голмани во Италија Ви препорачувам да ги прочитате последните коментари на претходниот пост.

Одиме на една стабилна и сигурна победа без примен гол! 

Forza Milan!!!

Емполи - Милан!

Натпревар од вонредното четврто коло кое се игра нa Carlo Castellani во Тоскана. Противникот е повратник во Калчото после неколку години и со единствена цел опстанок во лигата. Без разлика на моменталните амбиции на двете екипи, ние миланистите потхранети од офанзивниот фудбал на Пипо во првите две кола очекуваме цел плен од нетолку едноставното гостување. Со малкумина познати имиња, и Верди, еден од производите и таленти од нашата школа, домаќинот ке се обиде да го запре засега најефикасниот напад во Серија А. 

Она што Пипо пробува да го стори последниве 2-3 дена е да им го избрише од глава на момците поразот од саботата. Само со победа вечерва може да се каже дека успеал во намерата. А она што е сигурно е дека промени во формацијата нема да има. Инзаги останува при неговата 4-3-3 со ситни промени. Наводно се очекува старт на Торес и ван Гинкел. Менез и Хонда како крилни напаѓачи. Де Јонг, Запата, Абате, Де Шиљо, и Абијати се сигурни стартери .Остануваат 2 недоумици, едната е Поли или Мунтари, додека втората е Бонера(?) или Рами. Без разлика на составот, натпреварот мора да биде добиен, не толку битно дали на сила, квалитет или техничка подготвеност за зачувување на позитивниот дух кој без сомнение е присутен во таборот.

Стариот и добар Милан не може да се врати преку ноќ, тоа на сите им е јасно, но патот по кој се тргнува и тоа како може да биде добра насока во продолжението на сезоната. Само континуитет, напорна работа, желба и ментална подготвеност и заеднички да се вратиме на врвот, таму каде што припаѓаме, за инат на сите.

Un anno di rabbia, per tornare grandi!! Oдиме!

FORZA MILAN!!!

Дерби за врвот!

После цели 3 сезони можеме да кажеме дека Милан ќе игра натпревар за првото место. Натпревар против актуелниот и трикратен шампион кој има 3 победи сезонава во сите натпреварувања без примен гол, а имаат и серија од 9 победи на последните 9 натпревари во Серија А. Ние пак од друга страна имаме 6 од 6 на последните натпревари на Сан Сиро притоа примајќи само 2 гола. Во последните 9 меча помеѓу Милан и Јуве има по 3 победи за едниот и другиот тим, и 3 нерешени средби. Со 78.681 продаден билет и со приход од 3.2 милиони евра срушен е рекордот во Серија А. Пред само 10 дена, Галијани рече дека ако одиграме добро против Парма, ќе имаме можност да се надигруваме со Јувентус за врвот пред 80.000 луѓе. Очигледно стариот има добро предчуство. Табелата во Серија А сега за сега изгледа одлично. Милан, Јуве, Интер и Рома се во самиот врв и Милан за првпат по 56 години ќе има можност да ја започне сезоната со 3 победи во серија мада гледајќи реално на ситуацијата и нерешено не би бил лош резултат.

Макотрпната работа летово во тренинг камповите, теретаната, кујната, канцелариите и рестораните очигледно вроди со плод. Конечно го гледаме оној тим што сакаме да го гледаме.

Желбата на Пипо и мотивацијата која може да им ја пренесе на фудбалерите е нешто што недостасуваше кај нашите претходни тренери.

И за да не биде се така розово, столбовите во одбраната Диего Лопез и Алекс се повредени, како и Монтоливо кој го нема веќе подолго време а на таа листа се приклучи и Сапонара кој се повреди на тренинг и направи успешна операција. Рами и Запата се познаваат од минатата сезона каде што одиграа добра бројка натпревари заедно и мислам дека за напаѓачи како Тевез и Љоренте овој е подобар тандем од Алекс и Бонера. Море секој тандем е подобар од оној каде што е Бонера. Бонерот е иначе суспендиран поради црвениот картон против Парма и не е во комбинација да игра. Фараонот е спремен за настап но сеуште не се знае дали ќе стартува или ќе чека шанса од клупа. Тоа и најверојатно е единствената дилема во тимот, а ако неможе СЕС тогаш сигурно е дека нашиот Џек ќе стартува на неговото место.

Нашата најдобра шанса се контра нападите. Иако Јуве е значително ослабен со неиграњето на Пирло и Видал, повторно се многу силни во средината за да може да ги нагазиме ние, посебно што со Де Јонг, Мунтари и Поли знаеме колку можеме да очекуваме, но ако Хонда, Менез  и Сес помагаат во одбрана, а Абате и Де Шиљо се активни во контра нападите тогаш имаме и тоа како добри шанси против зебрите. Мислам дека и клучот е во бековската линија на Јувентус. Асамоа или Евра ќе стартува лево кај нив додека десно е сигурен Лихштајнер. Ова се играчи што многу често сакаат да влетуваат од втор план и евентуалното нивно излетување напред остава многу простор за нашите крилни играчи.

Едно ривалство кое не смее да се заборави е она помеѓу Алегри и Инзаги. Првиот не го вклучи Пипо во тимот за ЛШ во својата последна сезона во кариерата иако знаеше колку би му знаечело тоа на Супер Пипо. Пред нецела година имале и вербарлна расправија која многу брзо се вжештила каде што наводно Алегри тогаш му рекол на Инзаги:  "зар толку многу ја сакаш мојата работа? " на што Пипо рекол: "Да! И ќе ја извршам подобро од тебе".

Пипо пак многу потсеќа на претходникот на Алегри - Конте. Поранешна играчка легенда на клубот и одличен мотиватор. И Пипо како и овој со периката го превзема тимот после една катастрофална сезона со пласман на осмата позиција.

Како и да е, нови ветришта сега дуваат во Милано. 20:45 залепете се за Арена Спорт/ Сопкаст Стрим и проследете го враќањето на Милан во врвот од Италијанскиот фудбал.

FORZA MILAN!!!

Тест по мерка на Ennio Tardini

Вистински тест по мерка на Ennio Tardini. Тест за нашиот руки тренер кој ќе го вкрсти своето досега скромно тренерско искуство со една друга Milan легенда која веќе е во тренерските води повеќе од 10тина години, тест на карактерот кој оваа нова екипа на Milan го покажа во првото коло, тест на нашите амбиции. Parma никогаш не била наивен противник, особено не на домашен терен и особено не за Milan. Во минатата сезона ги изгубивме и двата натпревари против пулените на Donadoni. Тоа треба да биде дополнителен стимул од една но и дополнително внимание од друга страна. На ова гостување нема да можеме да сметаме на веројатно најдобриот поединец од дебито против Lazio, Stephan El Shaarawy. Момчето има оток на зглобот и затоа не е ниту меѓу повиканите во тимот. Но затоа за овој меч за првпат оваа сезона во комбинација за настап се трите последни засилувања на тимот, Torres, Bonaventura и Van Ginkel.

Токму меѓу првите двајца е најголемата дилема на Pippo. Ако Torres дифолтно се очекуваше да настапи уште на првиот иден можен натпревар, сериозната комбинација за директен старт на Bonaventura уште еднаш потврдува дека момчето било повеќе од солидно на тренинзите оваа недела и успеало да го убеди Pippo да размислува дури и за стартен настап во првите 11. Едната комбинација вели дека ќе продолжиме со онаа формација која ни донесе 3 бода против Lazio односно со Menez на лажна деветка. Во ваква ситуација одличниот во последно време Keisuke Honda би настапил на AMR а токму Bonaventura би стартувал како замена за повредениот El Shaarawy на AML. Во другата варијанта почнуваме со класична 9ка во името на Torres a зад него по страните би настапиле Menez и Honda. Средниот ред би бил истиот од победата против Lazio, во одбраната конечно се формира дуото De Sciglio и Abate по страните со командантот Alex во средината. Запрепастувачки делува фактот дека при целосно здрави Rami, Zapata па и Mexes, најчесто споменувано име за партнер на Alex во срцето на одбраната е The Boner. Искрено се надевам дека тоа ќе се смени пред стартот на мечот.

Кај домакините нема да настапи несудениот росонер Biabiany а Paletta и идиотот на кој не сакам ниту името да му го спомнам се во поширокиот тим иако беа неизвесни за настап.

Ennio Tardini, 20.45. Let's make a statement! 

Forza Milan!!!

Почнува новата сезона!

Во генерално позитивна атмосфера го очекуваме стартот на новото првенство. После сите трансфер фрустрации, веќе видени и почуствувани од минатите неколку години, повторно возбуда пред отворањето на сезоната. И веројатно секогаш ќе биде така, без оглед на (не)успешноста на управата да го засили тимот во пресрет на новата кампања. А кога зборуваме за успехот на трансфер потезите, тоа не треба да го правиме до завршувањето на рокот. Особено не ние во Milan. Позитивната атмосфера доаѓа од најпресниот трансфер на Fernando Torres. Човекот што со години беше цел на потсмев, глобално. Сега ни е малку криво за тоа. Да бидеме искрени, послатко ни беше да ги прифатиме шалите за Torres, отколку да го “одбраниме” со факти. Човекот, дури и во Chelsea имаше статистика подобра од сите други напаѓачи, кои во меѓувреме станаа икони на навивачите на сините. Сега и ним не им е сеедно. Кај нас реакциите се поделени, многу слично на одлуката Balotelli да замине. Лично мислам дека El Nino ќе има голем имапкт во играта на Pippo. Ги има карактеристиките што дефанзиците во Калчото ги мразат. Ако земеш да ги споиш Torres и Pippo, веројатно ќе испадне еден од најдобите папаѓачи во историјата на фудбалот :)

За среќа, оваа година периодот меѓу првото коло и затворањето на преодниот рок е само еден ден, па нема да жртвуваме 2 или 3 кола без комплетен ростер, како во некои од минатите години. Од друга страна, FIGC продолжува со таа, барем за мене, нелогична пракса на почеток на лигата доцна во август, за само по едно коло да следува репрезентативната пауза. Очигледно е дека ниедна друга голема лига не ги “сецка” екипите само што почнале да влегуваат во ритам, но темата со неразумноста, конзервативноста, тврдоглавоста, па и скандалозноста со лидерите во Калчото е многу поширока и не му е тука местото, барем не во постов.

Распоред на почетокот на сезоната е тежок, што го прави мечот со Lazio уште поважен. Pippo го одржа првиот прес како главен тренер, а првиот впечаток е дека е смирен, самоуверен (повеќе во желбата на играчите, отколку во квалитетот) и дека нема намера премногу да оддава пред натпреварите. Една од изјавите се однесуваше на Pazzini, кој Inzaghi го опиша како лидер на неговиот проект. Помалку чудно, но не изненадувачки, со оглед на взаемната почит и поврзаност меѓу двајцата. Кажа дека сеуште нема одлучено кои ќе ги пополнат трите места во нападот, но најверојатно тоа ќе бидат SES и Honda странично, а Menez како лажна 9ка. На средина веројатно би биле NDJ, Muntari и Poli, а назад Abate и Armero се сигурни, бидејќи De Sciglio е суспендиран. Дилема останува стоперскиот двоец. Bonera е најавен како стартер од скоро сите медиуми. Друштво може да му прават Alex или Rami, Mexes е исто така суспендиран. Најназад Lopez.

Иако вкупната оцена за трансфер периодот ќе ја дадеме после понеделник и во паузата за репрезентативни настапи, не може да не споменеме каква е ситуацијата во последниоте 2 дена од рокот. Останаа 3 имиња кои се вртат, и тоа сите офанзивци: Taarabt, Cerci и Biabiany. Првиот отворено му се нуди на Galliani, но не е фит и ќе му треба месец дена да биде конкурентен за место во тимот. А и него му гори под нозе, ќе изгуби пола сезона. Од муабетите за Cerci верувам на сите ни дојде преку глава. Но, текот на информациите (тајминг, извор, контекст) е прав темплејт за тоа како се случуваат трансферите од и во Milan. Нели Brendan Rodgers 100% ја отфрли шансата Balo да премине во L’pool, а Galliani беше за тронка “понесигурен” со 99,9% и 99,8%. Многу слично, Urbano Cairo пред 2-3 дена излезе со разочарана претпоставка дека Milan никогаш не ни бил вистински заинтересиран за Cerci. А еве денес, Cerci не е повикан за мечот против Inter. Biabiany е последната варијанта, најнеинтересна и најнепожелна за сите нас. Не бива да го завршиме летото со најлошиот “in” трансфер.

И сега по правило треба да го затворам постот се некакво резиме, а приликата ич не е таква. Во исчекување сме премиерата на првенството, а уште повеќе на она што сега веќе цел свет го знае како Galliani Day. Pippo и момците нека отворат, ќелавиот нека затвори со стил!

FORZA MILAN!!!

Mercato 2014/2015

Крај на Јуни, средина на светското првенство добро време за да напишеме еден пост за моменталните прилики во клубот. За минатата сезона се договоривме дека нема што да говориме, нема што да сумираме и да анализираме, ќе гледаме само напред!

А пред нас е една од најпредизвикувачките сезони за Милан. Нов тренер, неиграње во ЛШ, најава за заминување на дузина играчи и доаѓање на веќе 3ца нови фудбалери. Агаци, Алекс и Менез за кого доста се пишуваше овде дојдоа како слободни агенти. Парижаните ќе заработуваат околу 2-2.5м годишно што за слободен агент и не е така лошо. За Агаци многу детали од договор не знам. Во исто време се разрешија дури 15 co-own ситуации односно се продолжија само оние на Коми и Верди кои се пролонгираа за наредното лето. Значи младинскиот голман Гори, Албетраци, Поли и Сапонара беа откупени а од сите други се откажавме.

                                 

Во меѓувреме клубот го напуштија Траоре (Бурсаспор) Копола, Амелиа, Емануелсон (слободни агенти) и Таарабт и Силвестре (завршеток на позајмица) а Рами не го ставам овде бидејќи поради проблемите со новиот сопственик на Валенсија постојано се пролонгираат преговорите за неговото перманентно останување во Милан.

Нашиот клуб веќе подолго време му се восхитува на Итурбе, и сега за сега единствена пречка за тој трансфер е неволноста на Кака да замине до зима во Сао Паоло а потоа да си продолжи во Орландо каде веќе потпиша договор. Денешниот состанок помеѓу репрезентативците на двете страни е неуспешен и ќе се прават нови напори од понеделник. Наводно, бразилците можат да му дадат само третина од моменталната плата на Кака додека пак неговиот татко несака ни да слушне за тоа.Многу нефер од негова страна ако се земе в предвид фактот дека му беше пружена шанса на Кака како 20 годишно момче од Бразил кое ја искористи максимално и стана една од легендите на клубот. Но најдобро за сите би било сега да си замине, со цел да се отвори простор за идните генерации. Слична ситуација имавме и минатата сезона каде што чекавме Сантош да го купат Робињо и ни избега Лаич од раце за сума со која подоцна го купивме Матрињо.

Значи повторно проблем ни прават големите плати на играчите: Балотели, Кака, Мексес (4м). Секако тука се и Робињо, Матри, Нианг, Бирса, Есиен, Ночерино, Констант, Бонера, Закардо, и Запата како играчи кои се вишок во клубот и си имаме проблем да им најдеме нова средина, а токму тоа ги кочи преговорите со потенцијалните цели на клубот.

                               

Не очекува долго лето, и се надеваме дека сите играчи кои не се потребни ќе си најдат нова средина, и за нив ќе бидат доведени адекватни замени. Бидејќи предстојната сезона ќе играме само на 2 фронта се очекува да играме минимум 39 максимум 45 натпревари што значи дека составот треба да брoи околу 25 квалитетни играчи заедно со тројцата голмани.

                         FORZA MILAN !!!

Милан - Сасуоло за клуч на сезоната.

Теоретски сеуште имаме шанси за последното место кое носи во Лига Европа, но иако шансите затоа се премали сепак овој Милан треба да игра за престиж. Јас а и сите навивачи на Милан се надеваат дека овој натпревар ќе биде своевиден крај на црните денови за нашиот клуб и дека веќе од утре, па се до почетокот на следната сезона ќе се работи на еден нов, подобрен и силен Милан.

Она што е важно да се спомене околу повиканите играчи дека за првпат на тој список е Хаким Мастур кој е промовиран со 15 години во сениорскиот тим на Милан!!  Бисерот на младинската школа на Милан и еден од најголемите фудбалски таленти во светот во моментов можеби ќе ја добие својата шанса уште вечер ако тоа го дозволи резултатот и тренерот Сидорф.
Бидејќи доцна го пишувам овој пост ги имаме и стартните 11:

Christian Abbiati; Mattia De Sciglio, Adil Rami, Philippe Mexes, Kevin Constant; Riccardo Montolivo, Nigel De Jong, Sulley Muntari; Ricardo Kaka, Adel Taarabt; Giampaolo Pazzini.

Сакаме победа, за престиж, за преостанатото реноме на Милан, за добар крај на кој се надевам дека ќе следи нов почеток.

FORZA MILAN !!!

Најава: Аталанта - Милан!

На два натпревари до крајот на сезоната Милан се наоѓа на 1 бод од посакуваното 6то место, и со победата на Интер вечерва тие си го заверија пласманот во Лига Европа а најверојатно и 5тото место бидејќи дури и да го победиме и двата натпревари до крај на нив ќе им треба само бод за да го задржат истото.

Клучен за нас ќе биде и дуелот помеѓу Торино и Парма кој се игра утре во исто време со нашиот. Торино има 55 бода, Парма 54 како и нас. Совршено сценарио би била наша победа утре, а Торино и Парма да одиграат нерешено. Доколку Парма победи тогаш ќе имаме ист број на бодови а гол разликата моментално е +2 во нивна полза (не сум сигурен дали меѓусебниот дуел или гол разликата се главен фактор тука), а доколку по некоја случајност победи Торино тогаш ќе треба да чекаме нивни кикс во последното коло за 7 дена. Се се ова големи теории и математики но нашата е едноставна, со победа утре и наредниот викенд против Сасуоло ќе имаме 60 бода што би требало да бидат доволни за тоа 6то место, зависно од Парма и Торино.

                            

Листата на повикани играчи е голема и тренерот Сидорф ќе има многу избор за стартните 11.

Мора да се победи утре, се друго би било збогување со Лига Европа, па макар и да ремизираат нашите ривали. Се на се, испадна дека финишот на оваа сезона за нас е интересен и може да се добие нешто на крај.

FORZA MILAN!!!

Најава - Derby della Madonnina!

Видно возбуден од приновата дома го пречекувам ова дерби. Не се сеќавам кога пишав пост последен пат, а оправдание не треба да биде кризата во која се наоѓа нашиот тим. Дерби си е дерби и не е важно кој во каква форма е, какви се амбициите на двете екипи кога се среќаваат сино-црната и црвено-црната страна на градот.

Шест бода не делат од градскиот ривал, а амбицијата е иста. Лига Европа и не е некој успех, но е каква таква утеха за може да се оцени неуспешната сезона. Ел Шарави по којзнае колку време се враќа во тимот и ќе биде во комбинација да игра.

Капитенот Monti е објективен кога вели дека еден позитивен резултат во Дербито не може да ја поправи сликата за комплетната сезона, но може многу да помогне во целта што се наметна, а тоа е пласман во Лига Европа. Тука нема простор за калкулации, иако има премногу комбинации и екипи што се во трка за 5тото и 6тото место. Победа денес е задолжителна, затоа што во спортивно, веројатно и дефинитивно се оддалечуваме од европските купови догодина.

Некои од бројките што ќе го обележат вечерашното Дерби: 164то првенствено Дерби, 24то за Seedorf, 15то за Kaka, 100ти натпревар за Balo во Serie A. Нашите момци немаат победа од онаа со 3-0 што ја навести титулата во 2011.

Се очекува спектакл на трибините, одлична игра на теренот, и победа за Милан на едно градско дерби по подолго време!!!

FORZA MILAN !!!

Дерби кое ќе прекине една серија

Вечерва на Олимпико се среќаваат двете екипи кои се во најдобра форма во овој период од сезоната. И Roma и Milan се во серија од 5 победи така што барем една од тие две серии ќе биде прекината вечерва (можеби и двете, со евентуално реми). И покрај тоа што влегуваме во дуелот со 5 победи по ред, нешто што се нема случено неколку години наназад, сепак Roma е фаворит на овој дуел и тоа не само поради фактот што игра на сезонава тешкиот Олимпико за гостински екипи. Roma си создаде своја игра, лесно ги решава противниците и делува како компактен тим во кој секој си го знае своето место и секој игра за тимот. Огромна заслуга за тоа оди кај Rudi Garcia. Одлично вкомпонираниот и квалитетен тим се гледа по тоа што и покрај фактот што ќе недостига фудбалер од калибарот на Strootman (заработи тешка повреда и го пропушта дури и СП) на негово место има фудбалери како Pjanic односно Nainggolan.

Кај нас единствена непозната е дали Honda ќе добие место од самиот старт. Самурајот се врати по повредата но неизвесно е дали ќе го започне мечот од теренот или од клупата. Негова алтернатива во стартните 11 е Andrea Poli. Принудна измена има во средината, поради парниот број на жолти картони на De Jong, на негово место ќе стартува Muntari. Назад повторно Bonera се враќа на десен бек на местото на Abate за да се добие дефанзивно поизбалансиран Milan. Остатокот од тимот е познат и тоа се фудбалерите со кои ќе одиме на продолжување на серијата победи и на продолжување на бркањето на ЛЕ место.

Специфичен термин, петок 20:45.

Forza Milan!

Milan - Livorno

Во мутава атмосфера и чуден термин денес Milan го дочекува Livorno во 15:00. Атмосферата е мутава затоа што според (прет) последните информации, скоро цело италијанско лоби во клубот (минус Balotelli) му е намерачен на Seedorf и не се разбира со него најдобро. Тука се наведени имињата на Montolivo, Abate, De Sciglio и Poli. Зад нив стои и G кој поради тоа што му наложи на Seedorf да го стартува Montolivo против Catania, ја подигна точката на вриење на повисоко ниво. Во контекст на овој муабет, изворите велат дека односите меѓу тренерот и италијанското лоби во клубот е толку лоша што тој сигурно си заминува летово без разлика на остварениот резултат. Негова најсериозна замена е Pippo во прв и Donadoni во втор план меѓутоа GDS денес излезе со информација на насловна дека Milan го сака Montella и за него ќе треба да плати оштета од 7 милиони евра која е негова buy out клаузула. Milan не дава 7 милиони за фудбалер (се обидува да добие дополнителен попуст на договорените откупни клаузули на Rami и Taarabt) а не па за тренер. Значи доколку се менува Seedorf, Pippo it is! Само да се додаде тука дека Curva Sud му дава поддршка на Seedorf и се очекува тоа да го направи и јавно денес на San Siro.

Околу денешниот натпревар кој некако оди во сенка на она што се случува изминатата недела, Abate под притисок на G веројатно ќе добие старт пред Bonera во обид да се спаси неговото стартно место во репрезентацијата летово. Се шушка и за изненадувачки старт на Robinho кој би започнал на местото на повредениот Honda односно Poli од последниот меч. Останатиот дел од тимот е идентичен со оној што настапи против Catania. Значи без грижи, Constant е повторно константен покрај левата аут линија.

Без разлика на сите претумбации, потребна е победа денес бидејќи само добри резултати можат да ја намалат тензијата и затоа што во ист термин играат Parma - Inter.

Forza Milan!!!

Parma, Verona и Lazio кикснаа, комшиите победија

Тоа значи дека со евентуална (и очекувана) победа вечерва ќе ги прескокнеме Verona и Lazio на табелата и ќе дојдеме на само -3 од Parma и -5 од комшиите (токму тие 2 екипи играат меѓусебе следниот викенд, кога ние играме повторно дома, со Livorno). Отприлика и таму ќе завршат лесните натпревари за годинава се до последното коло бидејки до крајот на сезоната ќе играме со Roma и Atalanta нагости а имаме и натпревар со комшиите пред финишот од сезоната со Sassuolo дома.

Honda се приклучи на листата на повредени каде има еден куп фудбалери и нема да настапи денес. Негови алтернативи за старт се Birsa и Poli со тоа што младиот италијанец е во предност. Другата варијанта е да заиграат и двајцата од старт со тоа што Poli би настапил поназад, до De Jong а на местото на Montolivo. Напред Balotelli се враќа во првите 11 на местото на Pazzo.

Иако ваков тип на натпревари кои се сметаат однапред за добиени, можат да бидат проблематични верувам дека не би требало да имаме поголеми проблеми ако ги напнеме од самиот старт (слично како што започнавме со Chievo) и дека брзо ќе го решиме победникот.

Формата дополнително го ветува тоа.

Forza Milan!

Натпревар кој може да даде некаква цел во финишот од сезоната

Тежок натпревар на гости кај Genoa но меч кој може да го направи барем малку интересен финишот од сезоната и да даде некаква цел кон која ќе се стреми тимот. Inter продолжува да тоне а Parma извади одлична победа против Napoli но со наша евентуална победа вечерва против Genoa ќе дојдеме на само 5 поени негатива до местото кое води во Европа Лига. Таму се Parma и Inter. Овие евентуални 5 поени негатива добиваат уште повеќе на значење поради тоа што после овој меч имаме 2 прилично лесни натпревари против Catania и Livorno и двата на San Siro а кога ние играме со Livorno, се среќаваат Parma - Inter во меѓусебен дуел. Подоцна и ние играме против Inter во финишот од сезоната. Многу математики за не толку важното ЕЛ место меѓутоа подобро нешто отколку ништо. Овој вечерашен меч може да даде импулс во финишот од сезоната.

А веројатно овој меч ќе го играме без Balotelli. Mario (кој конечно влезе во некоја перспективна форма) има симптоми на грип па изолирано пристигна во Genoa и имаше посебен доручек за да не го префрли вирусот на остатокот на тимот. Затоа Pazzo ќе добие шанса од првата минута а зад него ќе бидат во последно време се подобрата тројка Taarabt, Kaka и Honda. De Jong и повратникот во тимот Montolivo на двоен пивот. Во дефанзива повторно старт на францускиот тандем засилен со Bonera по десната и Urbinho по левата страна. Тоа е составот кој треба да донесе три бода во Milano. Искрено се надевам дека ќе го направат тоа. Се надевам за да се продолжи позитивниот тренд на добри игри и резултати и опипливо да се добие некаква цел кон која ќе се стреми тимот во финишот од сезоната.

Forza Milan!

Милан - Киево

По изненадувачки добрата партија на Артемио Франки и победата од 0-2 против Фиорентина, дома ни доаѓаат магарињата  кои се само 3 бода над сигурната зона и секој бод ќе им биде драгоцен до крајот. Од друга страна пак, Милан може да се каже дека нема никакви амбиции до крајот на оваа сезона. Целите што ги имавме за оваа сезона не ги остваривме, тимот очигледно полека се распаѓа а единствено нешто што може да се добие до крајот на сезоната е оценување на перформансот на сите играчи во последните средби со цел да се скрати листата на играчи кои ќе го носат овој дрес и наредната сезона.

Ова е листата на повикани играчи и веројатните стартни состави. Има премногу комбинации за тоа кој ќе почне во сите делови на тимот. Сигурен може да се каже дека е само Абијати. Јас искрено нема да се замарам и да си го оптеретувам ова убаво саботно попладне со тоа кој ќе игра кој не овој натпревар туку само вечер ќе го изгледам натпреварот во една лабава атмосфера, без нервози.

Одекна денес изјава низ Италијанските медиуми дека Кака е заинтересиран за трансфер во МЛС, иако и самиот кажа дека моментално е со мислите во Милано доколку дојде до тоа да си замине од Милан, северниот континент е негова прва опција. Според мене ова е уште еден доказ дека нашиот драг Милан е во толку големи го*на, што дури и нашиот несуден син и морален капитен по нецела сезона во тимот сватил дека ова е далеку од оној шампионски тим што го напушти пред 4-5 сезони.

FORZA MILAN ?!

Без наслов и без повод

Да не се лажеме, единствената причина поради која се пишува нов пост во оваа веќе загубена сезона е желбата да се задржи неприкосновениот ритуал на пост пред апсолутно секој натпревар. Ми оди се потешко поради низа обврски и се надевам дека ќе имам пристојна помош од Вас, во финишот од сезоната.

G доби покана наместо од VIP ложата, овој меч да го следи од кабината на Sky поради заштита од повторен судар со домашните фанови (лани имаше непријатен инцидент на Artemio Franchi) меѓутоа тој го одби тоа па ќе си седи на истото место но домакинот му „донираше“ зголемен број на редари околу него.

Seedorf повторно ќе започне со 4-2-3-1 со тоа што Taarabt, Balotelli, Muntari и Abbiati се враќаат во првиот тим а Bonera ќе започне на RB.

Веројатно Марфи би бил во свој елемент ако доживееме пораз со гол (ови) постигнат (и) од Matri.

Forza Milan!

Одиме кај што нè носи ветрот

Реално или не многу брзо почнаа шпекулациите за отпуштање на Seedorf. Холанѓанецот сè уште не  направил вдлабнатина во фотелјата со мерки на својот задник а веќе почнаа муабети низ кулоарите дека му се заканува отказ. И сето тоа наводно е врзано со следните 2 меча (Lazio и Fiorentina). Не знам колку има вистина во овие муабети но едно е очигледно, тимот после првичната еуфорија (која ја носи речиси секоја смена на тренерската клупа во било кој спорт во светот) се врати на претходната летаргичност и тешко излегува од таму. Clarence се обидува ментално да го крене тимот, се обидува да делува заштитнички кон Balotelli и се обидува да форсира некоја своја филозофија но ништо од тоа не носи резултати. Деновиве GDS излезе со колумна за тоа што (според нив) се најголемите проблеми во начинот на Clarence Seedorf:

1. По доаѓањето на Seedorf на клупата, тренинзите се извршуваат во попладневните часови а тоа според GDS е особено проблематично кога во тимот имаш многу млади фудбалери кои ги влечат ноќните вибрации на град како Milano. Најголемиот дел од тренерите во Европа практикуваат да имаат тренинзи во претпладневните часови.

2. Seedorf пред секој натпревар има посебни разговори со секој дел од тимот (одбрана, среден ред, напад) а нема разговор со тимот во целина па затоа (според GDS) тимот има проблем да делува компактно на теренот и тоа особено се гледа при спречување на противничките контра напади.

3. Неискуството на тренерот кое најмногу било видливо во гости против Napoli кога Milan одлучи да игра со висока одбранбена линија и лоши додавања меѓу дефанзивците, против една од најдобрите офанзивни екипи во Италија.

4. Според GDS, некои фудбалери во тимот не се задоволни од повластениот третман кој Mario Balotelli го ужива кај Clarence Seedorf. Balotelli упорно не игра ништо (не само во однос на она за што е платен т.е головите туку буквално најчесто се шета по теренот или се расправа со судијата и противниците) и упорно добива нови шанси. Надополнување, пред некое време (мислам дека беше еден од Costacurta или Boban) изјави дека Milan делува многу поопасно и игра подобро со Pazzini во тимот, отколку со Balotelli.

5. GDS има замерки и за (како што велат) играњето на Seedorf на фудбалерите на сосема неадекватни позиции. Abate стартуваше на AMR против Napoli за првпат после неговите тинејџерски години, Honda кој беше одличен во CSKA на AMC упорно е форсиран на AMR а Montolivo шета низ позиции. Кога сме кај шетањето низ позициите веројатно најшетан досега е Poli кој единствено нема одиграно како централен дефанзивец и напаѓач. Играше бек, во средина, на AMC и по двете крила.

За тоа дали и со колку точки ќе се сложите од она што е претходно напишано, оставам на Вас (ако некој го интересира мојата маленкост, јас повеќе или помалку се сложувам со точките број 2, 3, 4 и 5). Сум рекол неколку пати и ќе повторам, не сакам да го судам Seedorf со фудбалери кои „не се негови“ и во ситуација во која што е. Сепак, очекував некаков напредок (кој беше видлив на почетокот но како што реков, после секоја смена доаѓа до тој психолошки момент кај тимот).

Според последните шпекулации околу денешниот тим, конечно Pazzo ќе добие старт пред Balotelli и веројатно Honda ќе добие старт пред Taarabt (ако се прашувам јас ова е смешно, нема потреба Honda да зависи од неиграњето на Taarabt и обратно. И сакам Honda да игра на AMC неколку натпревари па после да донесеме заклучок дека не може да се снајде во тимот. Дури и ако тоа значи неиграње на Kaka). Urby повторно ќе стартува на LB (има ужасни, УЖАСНИ натпревари во дефанзива веќе неколку мечеви по ред и најголем дел од головите во последните неколку натпревари ги примаме по таа негова лева страна кога или директно греши и „излегува од игра“ или него никаде го нема па мора централниот дефанзивец да оди налево за да покрие и противникот постигнува гол токму во дупката која се создава во центарот на одбраната).

Веќе заклучивме дека сезонава е отидена во неповрат. Затоа и не одвоив многу време на конкретниот натпревар со Lazio. Ме интересира што Вие мислите за шпекулациите и тренерскиот (не) квалитет на Seedorf? Доколку се прашувате исклучиво Вие, дали би му ја дале следната сезона? Дали повеќе би сакале да го видите Pippo, Donadoni или некој трет на негово место? Сличните прашања можат да се употребат и за G...

Каде мислите дека оди Milan?

Совршен хаос!

Веројатно ова е единствената ситуација кога може еден хаос во клубот да се гледа од позитивен аспект и да се очекува да донесе нешто подобро. Ситуацијата во црвено-црната половина на Milano врие како никогаш во последните неколку децении! Пукна тиквата дури и кај секогаш верните Curva Sud кои за првпат после долго време во пишано комунике решија отворено да ги нападнат речиси 3/4 од фудбалерите и CEO G himself!

Curva Sud на чело со Il Barone е бесна на најголемиот дел од фудбалерите кои не знаат што значат боите на овој клуб но знаат како да дојдат до најдоброто сепаре во дискотеките низ Milano, не знаат што значи овој дрес но знаат да постираат трагикомични selfie фотографии низ социјалните мрежи, фудбалери кои не ја знаат тежината на овој колектив но знаат да ги заобиколуваат половина од вежбите на тренинзите! Curva Sud е бесна и на G особено што тој од нив направи „минорна група која не е вклучена во трансфер активностите на клубот“ кога тие бараа квалитетен дефанзивец и midfielder наместо Matri летово а G во Јануари ги голтна сопствените зборови па го отстрани Matri а донесе дефанзивец и midfielder. Curva Sud е бесна на G и поради тоа што Milan се претвори во клуб кој го прибира сето она што другите клубови не го сакаат и се претвори во финансиска институција на Genoa! Нека гори во Milanello, нека гори на San Siro, нека гори во соблекувалните и во канцелариите на новата Casa Milan!

Да додадам и збор - два од сопствен аспект. Дадов безусловна поддршка на Clarence Seedorf и реков дека неговата работа ќе ја оценувам дури кога ќе може самиот да си создаде тим (т.е следната сезона). Останувам на тоа мислење МЕЃУТОА разочаран сум од недостигот на елоквентност и пред се криењето на лошите резултати исклучиво зад Allegri. Доста непрофесионално и прилично несериозно е после секој лош резултат како главен виновник за тоа да се споменува претходниот тренер кој веќе 2 месеци не е во клубот! Clarence, доста! И навистина физичката неподготвеност, несериозниот пристап на натпреварите и изгубената самодоверба да се должат на Allegri, еден сериозен тренер кој веќе 2 месеци е во клубот, не смее да дозволи да се крие зад името на поранешниот тренер. Друга работа е тоа што дел од тие проблеми веќе би можеле да почнат да се поправаат бидејќи новиот тренер е веќе пристоен период на чело на клубот! Clarence, доста!

Форсирањето на Bonera во стартните 11 е друга болка. Чувствувам дека Seedorf во некои ситуации повеќе се води според личните и приватните врски со одредени фудбалери отколку според реалните квалитети. Ова особено се однесува на Bonera и Kaka (да, Kaka)!

Сè уште не знам кој ќе биде составот денес меѓутоа се шпекулира со De Jong и Essien во средината а Poli, Montolivo (на AMC) и Kaka пред нив. Со што Essien заслужи нов старт после натпреварот против Atletico? Беше најлош во ужасниот тим а и очигледно не е доволно фит за да одигра цел меч а не па да одигра 2 меча во серија. Друга работа, како Seedorf ќе игра со тројца „централни“ офанзивци во формација која бара 2 крила? И на крајот на краиштата, би го седнал Balotelli а би го пуштил Pazzo од старт. Така барем знам дека во тимот ќе имам фудбалер кој дава 100 % на тренинзите и кој ќе направи се што е во своја моќ да помогне на тимот, на овој или на оној начин. Не, не сакам веќе плачко на CF и не сакам веќе фудбалер кој повеќе размислува на глумење пенали и расправање со судиите и противниците отколку на тоа како да постигне гол. Balotelli, се сеќаваш кога последен пат постигна гол?

Како што споменав погоре, ова не значи дека се откажувам од Seedorf, јас пак ќе почекам до следната сезона меѓутоа не можам слепо да давам константна поддршка и да поминам преку некои работи!

За G веќе подолго време констатиравме дека е сенилен и дека е потребна негова смена. Тој досега и ќе беше сменет меѓутоа беше спасен од неговиот колега по сенилност. Доколку старата гарда го напушти клубот не знам дали ќе биде подобро но прилично сум сигурен дека нема да биде полошо од ова. На овој клуб му треба ново раководство кое како за промена наместо да размислува кои фудбалери би можел да ги добие на approach to sign и free loan ќе размислува како најпаметно да го потроши својот годишен буџет (па нека е и мал буџет)! На овој клуб му треба раководство кое сериозно ќе се нафати на изградба на нов стадион! И на крајот на краиштата, на овој клуб му треба НОВО раководство, какво и да било тоа!

Тоа го сакаат и најголем дел од овие фанови кои во моментов протестираат пред San Siro.

Околу натпреварот со Parma, нема да должам многу. Формациите веројатно ќе бидат овие а резултатот е прилично излишен. Не верувам дека дури ни петарда во мрежата на гостите би сменило нешто во моменталните чувства на фановите на клубот на San Siro и низ светот.

FORZA MILAN!!!