LA NOSTRA STRADA A WEMBLEY!!!

F

         Се послужив со една слика која навивачите на Arsenal ја користат кога сакаат сликовито да опишат кој им е најголемиот ривал и нивниот најомразен тим..и не дека имам нешто многу против Tottenham, само си замислував како би се осеќале по двомечот..а можеби и нема да треба толку време, жежок ќе им биде утре и San Siro..таму ги чекаат седумкратните европски шампиони, спремни за враќање кон шампионските патеки, кон славата, овојпат кон Wembley..најславниот и (по мене) најубавиот стадион во светот го очекува најдобриот, нашиот Milan!

Првата пречка на нашиот пат не е екипа од европскиот крем, но дефинитивно состав без многу почит кон "големите"..на неколку пати во последните години покажаа дека сакаат да растураат традиции, не трпат стереотипи, ги фрлаа на колена екипите од "големата англиска четворка"..реално гледано, неможат до титула во нивното првенство, признаваат дека трофејот во лигашко натпреварување е преголем залак за нив, ама баш затоа амбициите во куповите им се секогаш поголеми..повеќе од солидната екипа годинава неколку пати покажа колку може да биде опасна или незгодна, зависи кој како ја доживува..со неколку страшни индивидуалци граби кон нивните зацртани цели сезонава..но она што најмногу треба да не загрижува во врска со екипата на Tottenham е, можеби нивната најголема ѕвезда, почитуваниот Harry Redknapp..навистина никогаш не водел голем клуб, ама секогаш знае како против нив..неговите интевјуа најчесто немате сила да ги дочитате, можеби и ништо нема да го разберите во нив, но она што сака да го спроведе на терен е скоро секогаш е одлично замислено..

Утревечер ќе има многу проблеми несомнено..што поради недостапноста на неколку клучни играчи, што поради противникот..спроти себе ќе го има мудриот Allegri, со несопирливиот воз наречен Milan..фаворитите во двомечот ќе се обидат уште пред гостувањето на White Hart Lane да создадат солидна позитива..можеби нашите момци не се во најдобра форма, ама по последното демолирање на Parma, во тимот владее супер атмосфера што е добар предуслов за уште една маестрална претстава на San Siro..европскиот префикс на мечот дава уште поголема мотивација, а ние гладни за континентален фудбал по долгата пауза, очекуваме нов спектакл..иако не е далечна 2007мата и последната европска круна, вака скроениот Milan ни дава за право да се надеваме за нова, осма титула..има фанови (и јас во нив) кои сметаат дека годинава Скудетото, па и Купот треба да бидат главна определба на клубот, но кога доаѓа време за ЛШ, се се заборава, сите не фаќа треската што ја носи европскиот трофеј..

Milan утре, по којзнае кој пат сезонава излегува на терен некомплетен, да не речам десеткуван..кога на сите повредени играчи ќе се додадат и оние кои што немаат право на настап во ЛШ, екипата е значајно проретчена..сепак, и без неколку значајни играчи изгледаме моќно..светла точка е целосното враќање на пар дефанзивци, најголем проблем, секако средината..со неколку дилеми на Massimo, пред се на бековските позиции и средината на теренот и познатиот супер силен напад влегуваме во последните неколку часа од почетокот на нокаут фазата..комбинациите и ротациите со составот ќе му ги оставам на Max, јас само очекувам да не отстапи од стандардната формација, со цврста одбрана, поискусен среден ред и тројца офанзивни играчи, да се обезбеди комотно патување за Лондон..ќе мора да се искористат слабостите на гостите и навреме да се чекира картата за четврт-финалето..

колку само гламурозно и предизвикувачки изгледа финалето на Wembley... можеме дотаму, знаеме сите!

ANDIAMO RAGAZZI!!! FORZA MILAN!!!