Спас на сезоната или продолжување на агонијата?

Милан е далеку од титулата во Серија А. Далеку е и од место кое води во Лигата на Шампионите, а место во Лига Европа е достижна цел, но не и приоритетна. Милан испадна од Купот на Италија, па овој двомеч со Атлетико, овие 180 минути се единствената сламка за која може да се фати за надеж дека оваа сезона може да биде барем малку успешна. Билансот против шпанските екипи ни е негативен во последно време, а тоа пред се се должи на постојаното играње со Барселона, секоја сезона. На хартија го добивме најлесниот и најпосакуваниот противник бидејќи искуството на јорганџиите во ова натпреварување е многу мало.

Нивната форма во изминатите неколку сезони секако говори нешто друго, меѓутоа кога играш против Милан на Сан Сиро и кога ќе ја пуштат химната на Лигата на Шампионите тогаш не игра оној Милан кој се мачи против Ливорно и Болоња. Тогаш не игра оној Милан кој губи од Верона и Сасуоло. Тогаш мислите на сите се на оној Милан кој доминираше во Европа во изминатите 2 децении. Кој ја газеше Барселона со 4-0. Кој во 5 години играше три финалиња. Оној Милан кој беше престар и пребавен, а сепак во 2007мата стана европски шампион.

Сезони слични на оваа имало и во минатото. двете шампионски во 2003тата и 2007мата беа сезони за заборав во домашниот шампионат. И на двата фронта играа два различни тима.

Како што може да се види по составот, средината е најкритичниот дел од тимот, а од друга страна, најверојатно најголем адут на Атлетико. Останува да видиме само колку ќе можат Де Јонг, Есиен и Поли да се справат со средината на Атлетико и борбата за превласт. Да сум јас Кларенс без размислување ќе започнам со најсилната одбрана со која располагаме: Абате-Мексес-Рами-Де Шиљо. Се друго е ризик и коцкање. Кога станува збор за нападот, тешко дека Сидорф се слага со моето мислење и тешко дека ќе ги видиме Бало и Пацо заедно во нападот. Се очекува Марио да биде најистурен напред со подршка од Кака и Таарабт. Ова се само прогнози, секако, а точниот состав ќе го дознаеме непосредно пред почетокот на мечот.

Долго време чекавме да ја слушнеме химната од ЛШ. Долго време го чекавме мечов. На Сан Сиро вечерва повторно ќе се пишува историја. Каква, останува само да видиме.

FORZA MILAN !!!

Генерална проба пред CL

После долго време Милан повторно ќе настапи во овој невообичаен за Calcio, петочки термин. Тоа е поради фактот што на средината од следната недела доаѓа Atl. Madrid во ЛШ двобојот. Иако дифолтно за ваков натпревар пред ЛШ се зборува дека е генерална проба (така всушност гласи и насловот) сепак во пракса, тоа ќе биде малку поинаку. Ова е од причина за тоа што ќе се калкулира со силите и оние кои би требало да го носат товарот против Atletico, веројатно вечерва нема да играат во текот на сите 90 минути. Montolivo сигурно стартува затоа што не може да игра против Atletico. Обратно од ова, Kaka ќе добие одмор баш поради тоа што може да игра во Среда а зад Balotelli ќе имаме некои нови клинци (со исклучок на Taarabt кој имаше одлично деби па повторно ќе стартува). Honda конечно ќе добие шанса онаму каде што би требало да е најпродуктивен, на AMC. Лево од него ќе заигра Taarabt а десно веројатно еден од Saponara или Poli. Со Poli добиваме поголема цврстина до дефанзивата која е поболната половина од оваа 4-2-3-1 формација. Покрај Montolivo веројатно ќе стартува De Jong иако нема да биде чудно ако заигра и Muntari (кој истотака нема право за настап во Среда). Играта во дефанзива би требало да ја сочинуваат De Sciglio, Zapata (кој се враќа по повредата) и Rami а има некои недоумици за левата бековска позиција бидејки Urby има некоја повреда. Се на се, би требало да видиме некои нови фаци кои би можеле овој меч да го искористат за да се наметнат на Clarence во остатокот од сезоната. Убав начин со победа против Bologna и со добра атмосфера на San Siro да се дочека Atletico Madrid.

Не заборавајте на специфичниот термин, вечерва 20:45.

Forza Milan!!!

Експерименти во Neapol

Од една страна проблемите со повредени фудбалери (Honda е во аут, Kaka не е доволно фит за старт) а од друга страна и лошите партии на некои фудбалери го предизвикаа Seedorf да настапи со своевиден експеримент на жешкото гостување во Neapol. За првпат после многу години Abate ќе добие шанса на позицијата на која го изгради своето име во Empoli а потоа тоа му донесе и враќање во Milan, ARM или истурено крило по десната аут линија. Покрај него, за одбележување е и дебито на Adel Taarabt на позиција полушпиц (Kaka ќе остане на клупа). На клупата ќе остане и првиот капитен Montolivo кој ќе му го отстапи своето место на Essien кој ќе има деби во црвено - црниот дрес. Остатокот од тимот е очекуван со потенцирање на фактот дека Mexes кој веќе некое време е во втор план, ќе добие шанса од стартот поради суспензијата на Bonera, повредата на Zapata и недоволно опоравениот Silvestre кој ќе остане на клупата. Значи француски тандем во срцето на одбраната.

Веројатно со настап на Abate пред De Scilgio ќе бидеме подобро затворени во дефанзива (Abate е фудбалер кој е неуморлив) но ќе видиме колку тој ќе придонесе во офанзива со оглед на тоа што е доста лимитиран во однос на нафрлувањата а и таков тип на игра веројатно повеќе му одговара на Pazzo отколку на Balotelli. 

Како и да е, интересен експеримент во најава.

Forza Milan!!!

Милан - Торино, и сумирање на меркатото.

Може да се каже дека ова беше една од побурните зими кога станува збор за транфери кај нас.Добивме нов тренер, дојдоа 4ца и си заминаа 4ца фудбалери, а да се оствареа некои оптимистички најави и еден наш играч да беше малце разумен (Констант) тогаш ова меркато ќе можевме да го споредиме и со она легендарното од 2011.

Си заминаа:
Ночерино - позајмица до крајот на сезоната во Вест Хем
Матри - позајмица до крајот на сезоната во Фиорентина
Нианг - позајмица до крајот на сезоната во Монпеље
Вергара - позајмица до крајот на сезоната во Парма.

На првите двајца им посакувам се најдобро, и да блеснат во своите нови клубови па да може да ги продадеме целосно во Јуни. Додека пак за Нианг и Вергара ова е деликатна ситуација кадешто станува збор за млади играчи на кои им требаат минути кои не ги добиваат моментално во Милан.

Дојдоа:
Хонда - слободен играч од ЦСКА Москва
Есиен - слободен играч од Челзи
Рами - позајмица до крајот на сезоната од Валенсија
Таарабт - позајмица до крајот на сезоната од КПР/Фулам

*Петања - враќање од позајмицата од Сампдорија

Хонда и Рами се логични и разумни потези кои апсолутни ги подржувам, скептик сум околу перформаност кој може да ни го понуди Есиен со оглед на неговите години, форма и повреди. А за Таарабт кажав и повеќе од колку што треба и сега за сега ќе си молчам (ама прва лоша партија и одма го хејтам да си знаете). На хартија, квалитетен млад офанзивец кој може да ги покрие скоро сите позиции во нападот но во исто време сеуште недокажан играч кој се мачи да го реализира неспорниот потенцијал кој го поседува.

Секако тука треба да се спомене и заминувањето на Макс Алегри на кого веќе му се заблагодаривме, и му посакавме добредојде на легендата на клубот Кларенс кој веќе со неколку потези почна да ги освојува срцата на навивачите. За мене лично 2 потега кои посебно ме израдуваа е тоа што Брајан Кристанте и Рикардо Сапонара останаа во клубот и покрај сите најави за нивно заминување на евентуални позајмици или како дел од некои 50% дилови тие останаа и тоа наводно по барање на коуч Сидорф.

Доста за меркатото, затоа што имаме натпревар пред нас! Торино, заедно со Парма и Верона се на 4 бода од нас и се израмнети со по 32 бода, што значи дека наша евентуална победа нема да значи напредување на позиција напред туку доближување кон Лига Европа.

Копола, Силвестре, Запата, Поли, Бирса и СЕС се повредени додека пак Марио е суспендиран за овој натпревар. Најновите аквизиции, Есиен и Таарабт се во составот и доколку има потреба или се укаже шанса може да изиграат дел од овој натпревар. Кај гостите, Черчи и Имобиле се очекува повторно бидат напаст за нашата разнишана одбрана и само со добра тимска игра, и залагање во сите 90 минути ќе ги добиеме биковите.

FORZA MILAN!!!

Против критиките и грипот!

 

Таков е денешниот Milan. Слаби резултати во серија па еден добар резултат / игра и веднаш се креваат надежите на навивачите пред повторно да бидат сурово приземјени. После добрата игра против Verona следуваше нокаут од Udinese во Coppa Italia и сега по некоја топло - ладно аналогија би требало да следи позитивен натпревар во Сардинија. Како да не беа доволни спортските повреди во тимот (ги има еден куп) па сега и грипот ги покоси половина првотимци. Abbiati, Poli, Petagna и Cristante (кој се врати на клупа) имаат грип па Amelia е првата опција меѓу стативите иако треба да се напомене дека и тој има незгодна повреда на коленото па доколку не е спремен може и Gabriel да се појави како трета опција.

Balotelli влече повреда заработена во Coppa Italia но повторно ќе се најде во самиот шпиц. Добра вест е тоа што Pazzo се враќа многу порано од предвиденото и веќе денес ќе биде на клупа. Одлична вест со оглед на тоа што буквално немаме резервен напаѓач во моментов. Кога сме кај повредите, вреди да се спомене и дека Zapata заработи повреда поради која ќе отсуствува околу 3 недели па денес Rami ќе игра покрај Bonera (со оглед на тоа што се работи на продажба на Mexes сега, нема да се ризикува со негов старт и евентуална повреда). 

Се надевам дека фудбалерите ќе дадат свој statement после срамната елиминација и пред се недостигот на желба против Udinese. Се надевам и дека Clarence се повеќе ќе има свој печат во играта на Milan. Се надевам на добра игра а резултатот ќе си дојде по себе.

P.S Се шират шпекулации дека Essien има мали проблеми на медицинските прегледи поради проблеми со коленото и постои можност да биде картиран назад во Chelsea. Сепак докторите во Milanello се запознаени со неговиот проблем и вршат подетални испитувања. Првично се очекува сепак дилот да се финализира, тоа што нема уште многу време до крајот на преодниот рок и тоа што фудбалерот може да игра ЛШ а дојде за безпари, имаат големо влијание на одлуката.

FORZA MILAN!!!

Coppa Italia 1/4

Веројатно најлесниот начин да се стигне до Евро настап следната сезона е Coppa Italia. Долгиот пост во ова натпреварување треба да биде уште една мотивација за фудбалерите и стручниот штаб. Како и секогаш, форматот на натпреварување во Coppa Italia е создаден така што во завршницата најчесто има дерби дуели. Така ќе беше и вечерва доколку комшиите не беа елиминирани од Udinese. Синоќа Juve беше елиминиран од Roma а во нашиот дел од форматот евентуалната победа вечерва нè носи во полуфинален дуел (во 2 меча) против Fiorentina која не би требало да има поголеми проблеми против Siena.

Seedorf планира да настапи со речиси најдобриот состав и ќе има само мали промени во одбраната и во средината.

Двете промени во средниот ред се од објективна природа поради тоа што Montolivo се пожали на повреда и воопшто не се наоѓа во тимот а Honda сè уште не е доволно физички спремен па Birsa ќе настапи на AMR. Во одбраната ќе има мал експеримент со Rami на десен бек (мене лично тоа не ми се допаѓа) а остатокот од тимот е оној што настапи против Verona (Silvestre стартува поради повредата на Bonera кој би требал да се врати во тимот веќе викендов). За првпат под водство на Seedorf, ќе добие шанса Bryan Cristante. Момчето кое имаше неколку одлични меча во серија вечерва ќе ги има клучевите од моторот наречен Milan. Нормално, De Jong ќе биде претежно задолжен за прекинување на противничките акции па токму Bryan ќе треба да биде оној кој ќе го диктира темпото и начинот на кој Milan ќе напаѓа. Ќе биде интересно да се види како малиот ќе се снајде во оваа нова double pivot формација која ја нема играно во официјален натпревар на сениорско ниво.

Одиме на победа заради продолжување на позитивниот старт под водство на Il Professore и заради доаѓање на чекор поблизy до трофејот кој долго време го нема во нашите витрини.

Forza Milan!!!

Нова клима во Milanello!

Расчистивме со Max. Морам да признаам дека ми е чудно што повеќе го нема. Знаете како е, секој навивач на овој клуб е сентиментално врзан за се што се случува во и околу него. А како и да не би било така кога и самиот клуб функционира на сентиментални и емоционални бранови. Низ историјата на овој клуб поминале еден куп емоционални одлуки. Некогаш завршувале добро, некогаш лошо но речиси секогаш челниците се воделе според срцето. Max повеќе не е во клубот и иако пред да замине сите фрлавме со дрвја и камења по него, сега некако ми е необично. Сепак помина долг период на клупата и донесе една титула. Ти благодариме за тоа! Секое добро во понатамошната тренерска кариера!

На местото на Allegri доаѓа вистински синоним за светскиот фудбал, во секоја смисла! Clarence Seedorf е единствениот фудбалер во историјата на фудбалот кој успеал да освои 3 ЛШ трофеи со 3 различни тима (ги има вкупно 4 затоа што 2 има освоено со Milan). И не само поради тоа, Clarence секогаш бил синоним за убавината во оваа игра, за интелигенцијата, фер плејот, широката насмевка и големата смиреност во секакви ситуации. Уште додека играше за Milan, еден спортски директор на клубот изјави дека Clarence зборува 10 % како играч, 20 % како генерален менаџер на клуб и 70 % како тренер. Човекот едноставно го разбира фудбалот. Има харизма која знае да биде заразна и веќе тоа може да се прочита од Balotelli, на прво место. Овој потег е коцка на клубот, тоа сите го знаеме. Но еден новопечен тренер ваква шанса добива само 1 на милион. Шанса полека да го креира тимот, да не зависи од резултатите и да нема притисок за трофеи и бодови.

Clarence на својата официјална презентација како нов тренер на Milan даде неколку одлични поенти и насоки. Прво и основно, рече дека планира да ја користи 4-2-3-1 формацијата со која најмногу можат да се искористат офанзивните фудбалери во клубот иако потенцира дека поважен е менталниот склоп на фудбалерите отколку самата формација. Како што рече Clarence, формациите можат да се менуваат но менталната сила на фудбалерите, не. Рече дека сака да ги врати навивачите на стадионот, сака сите да уживаат во фудбалот, а тоа најдобро се прави со офанзивен пристап. Кратко и јасно преточи, најлесен начин да се освојат бодови е да се игра офанзивно.

Друга многу важна поента, рече дека сака да направи противниците повторно да се тресат кога ќе гостуваат на San Siro. Дека ова е наш дом и никој не смее да дојде тука со размислување дека лесно ќе освои бод или три! Треба сите да почувствуваат што значи да се игра на San Siro! Следна одлична идеја, Clarence рече дека планира да ги замоли сите големи легенди на клубот (Baresi, Maldini, Van Basten, Costacurta...) некогаш да присуствуваат на тренинг на Milan и да им преточат на фудбалерите што значи да се игра за овој клуб и каква историска одговорност со себе носат тие црвено - црни бои!

На прашањата на новинарите за Allegri, Clarence уште еднаш покажа дека е извонреден оратор и вешто ја избегна таа тема велејки дека сака да се насочи само кон иднината и кон креирање на добра клима во клубот. Според неговите зборови, тоа е најважно. Рече дека е задоволен со тоа што во клубот никој не осудува некој друг за лошите резултати, а тоа значи дека тимот е сплотен. Рече и дека верува во начин на функционира на клуб во кој има повеќе тренери за секој дел од теренот (Crespo веќе потврди дека бил контактиран од Clarence за да стане дел од неговиот стручен штаб. За Stam тоа ќе биде многу потешко затоа што тој има договор до 2016-та со Ajax). Веројатно нема да има големи поместувања во трансфер пазарот, особено во купување на фудбалери зимава. Можеби вака е и подобро, тренерот ќе може до крајот на сезоната да тестира кој заслужува а кој не заслужува да биде дел од клубот па на лето да креира трансфер листа и листа на засилувања. Како што може да се забележи, Seedorf навистина придава огромно значење на психолошкиот аспект.

Дебито на Il Professore на клупата на Milan ќе се случи вечерва, против осакатената Verona. Verona има одлични резултати и веројатно е најпријатното изненадување сезонава во Calcio. Сепак Verona ќе биде осакатена поради тоа што мозокот на екипата, Jorginho вчера замина во Napoli а најдобриот напаѓач Luca Toni е повреден. Нормално, треба доста да се внимава на Iturbe кој е еден од најдобрите млади фудбалери во светот.

Веројатните формации покажуваат дека Seedorf уште на првиот натпревар ќе се обиде со она што го спомена на пресот, 4-2-3-1. Формација која некако делува најприкладно за Milan и тоа ние (членовите на блогот) го дискутиравме на кафе во Скопје уште пред повеќе од 1 година. Оваа формација е и најпогодна за El Shaarawy кој никако сезонава да врзе континуитет поради повредите (се враќа во Март). Друг пех е новата повреда на Pazzo кој имаше важна улога во идеите на Seedorf (во таа 4-2-3-1 една варијанта беше со Pazzini во шпицот а Mario како дел од тројцата зад него). За жал, Pazzini ќе отсуствува цел месец.

Овој тим на хартија делува одлично но веројатно сите ќе се сложиме за една работа, Daniele Bonera. Настрана лошите партии во минатото, на последниот натпревар против Sassuolo, The Boner беше ужасен!! Директно кумуваше на 3 од 4-те гола на Berardi и не гледам никаква логика во негов повторен старт. Иако Zapata е нашиот најдобар дефанзивец во моментов (се консолидира после неколку ужасни месеци), сепак јас дури би се нафатил и на двоец Mexes, Rami ако тоа му помогне на новиот французин, само Bonera да не игра. Воопшто не ми се допаѓа таа варијанта!

Остатокот од тимот е најдоброто што може да се извлече во моментот и нема апсолутно никакви замерки. Знам дека е рано за резултати, знам дека Il Professore не може да направи ништо за 3 тренинга, но убеден сум во вечерашна победа и тоа победа со сигурна игра. Веројатно и мене ме фатила магијата на Clarence :)

Forza Il Professore!! Forza Milan!!!