Пост

Повеќе од две години поминаа откако напишав пост, а скоро две години откако имало било каква активност на овој блог. Причините ни се добро познати, меѓутоа на ова гледам од позитивна страна бидејќи благодарение на неколку индивидуалци нашиот фан пејџ на фејсбук работи беспрекорно, и затоа јавно овде им се забагодарувам на нив.

Причината за овој пост е пред се бидејќи ми фали ова мало блогерско место кое што си ги споделуваме мислењата и ставовите за нашиот омилен клуб.

Друга причина е турбуленциите кои што се случуваат во Милан во моментов, дел позитивни, дел негативни. За мене лично повеќето се позитивни затоа што конечно после подолго време Милан е компететивен на трансфер пазарот, и големи промени се случија во раководството.

За нашите нови газди не знаеме толку многу освен најважното во денешниот пазар: Имаат финанскиски средства, и се спремни да ги потрошат. Ви исто време и доаѓаат од најголемиот пазар на светот и имаат големи планови за истиот.

Доколку се остварат голем дел од најавите, тогаш би требало конечно да го имаме тимот кој ќе атакува на место во Лигата на Шампионите.

Господава на сликава погоре сега за сега одлично си ја вршат работата. Долга и болна беше транзицијата од Галијани па и Барбара Берлускони меѓутоа новава насока во која оди нашиот клуб мене многу ми се допаѓа. Искусни, способни и директни, така би ги опишал досега Фасоне и Мирабели. Тек ќе треба да докажуваат што знаат и умеат меѓутоа во ново настанатата ситуација со нашиот млад голман нивниот став е оној зад кој стојат повеќето од фановите на Милан.

Ова се нашите засилувања до моментот. Сите горе долу ги задоволуваат потребите по својот квалитет и возраст пред се. Има уште скоро 10 играчи со кои преговараме во моментов. Би ги издвоил Конти од Аталанта за кој останува да се договори само сумата со Аталанта во која најверојатно ќе бидат вклучен и некој од нашите играчи (ова многу ме радува). Лукас Биља од Лацио е уште едно име со кое не поврзувааат и наводно е многу блиску до Милан. Јас лично сум загрижен за средниот ред сеуште, како и централниот дел од одбраната кој според мене сеуште е доста кревок. Во нападот според мене треба да се фокусираме на еден играч: Аубамејанг. Ги има сите квалитети за да стане број еден напаѓач не само во Милан туку и во Серија А. Мората е уште еден играч кој може и те како да направи разлика. Проверен во Италијанската лига, дава многу голови, креира шанси. Комплетен напаѓач. Мое мислење е дека Белоти и Калиниќ не се играчи кои ќе го однесат Милан на следно ниво. Особено ако атакуваме на титула во наредните неколку години. Да не почнеме да зборуваме за цената на Белоти кој во реален трансфер маркет со реални услови не треба да чини повеќе од 30 милиони. Накратко сумирано, Аубамејанг, Мората се како Шевченко, Ван Бастен, Ибрахимовиќ. Напаѓачи што можат да направат разлика. Белоти и Калиниќ ми се како Џилардињо, Имобиле, Бориело, Матри, Пацини. Играчи за тимови од средниот дел на табелата, кој имаат 1-2 добри сезони и со тоа добиле трансфер во некои од топ клубовите.

И на крај за најзборуваната сторија во последната недела во светските спортски медиуми. По се што се  случи и сеуште случува и тек ќе се случува мојот став е многу јасен и сличен на оној како и нашите раковдни луѓе. Милан е Милан и никој играч не е над него. Посебно не некој кој не сака да игра за Милан. Има една голема дилема сега а таа е дали да се продаде ова лето и неговиот агент на кој не сакам да му го спомнам и името си го добие својот процент од продажбата или остане на трибини една година како лекција и да си замине без никаква оштета следното лето. Јас лично сум фан на втората ситуација, ама тоа ми мириса на сценарио каде што Џиџо би заминал во Јувентус за безпари, и Јуве нашиот директен и најголем ривал би си го осигурал голманското место во наредните 20 години.

Вашите ставови за ова?

Derby della Madonnina - Дел први!

Очекувавме одлично отворање на сезоната. Сите тие случувања во текот на летото водеа кон нешто такво. За жал не се случи тоа. Напротив, пораз на отворањето во Фиренца, во еден меч каде што не бевме ни блиску до бод. Следеше првиот натпревар на San Siro и победа во неубедлива игра против екипа што најверојатно ќе се бори за опстанок. Трето коло и веќе дерби. Ама не обично дерби меѓу две силни екипи, туку најголемото градско дерби во Европа – Il Derby della Madonnina или за неупатените - Derby Milano.

Расположението во двата табора на градските ривали овојпат е различно. Комшиите имаат максимален учинок после двете кола, со победи на двата натпревари во последните минути. Ни кај нас не мртво, бидејќи едноставно, вистински фан не може да остане невозбуден пред едно Дерби. Клубот направи вистински потег пред неколку дена со настанот орагнизиран пред Casa Milan. Играчите и фановите заедно создаваа синергија, а Mihajlovic веројатно во свој стил, со 15 минутен разговор со лидерите на Curva Sud во потрага по конечно помирување и враќање на моралот кај најдобрата и најкреативната навивичка група во Италија.

Кога сме кај моралот и атмосферата, вреди да се спомне мобилизираноста на нашата управа во пресрет на Дербито. Најавено е дека покрај Galliani, на San Siro ќе бидат и Silvio, Barbara, но и Bee; кој е во Италија каде вчера го прослави роденденот, а најверојатно ќе остане до финализирањето на договорот за превземање на 48% од клубот.

И додека очекуваме да бидат објавени почетните состави, неколку збора за ситуацијата во двата тима. Mancini нема поголеми проблеми со составувањето на тимот. Единствен проблем е стоперската линија. Повредата на Miranda, најверојатно ќе го натера Mancini да го врати Medel во одбраната, што секако е шанса за Bacca и Luiz Adriano. Кај нас, проблеми со средниот ред. Ќе го нема Bertolacci заради повреда, така што веројатно Jack Bonaventura ќе биде прекомандуван во средниот ред, а Honda ќе го завземе местото на trequartista. Montolivo се очекува да добие шанса на mezzala, а третото место во средината е за Kucka. Во одбраната, De Sciglio ќе биде замената за повредниот Antonelli, на другата страна ќе стартува Abate, а на стоперските позиции сигурен е Romagnoli, а најверојатно партнер ќе му биде Zapata. На голот, секако, Don Diego Lopez.

Неблагодарно е да се предвидува резултатот од едно Дерби, особено овојпат. Сезоната сеуште не е навлезена во фаза кога се екипите се расслојуваат по квалитет и каде може да се предвиди перформансот на екипата. Сега е периодот кога тимот станува хомоген и почнува за функционира како едно. Каков само забрзувач на тој процес би била победа вечерва. И во атмосфера каде повеќето од фановите немаат преголеми очекувања од Дербито, јас верувам дека тимот ќе блесне. Верувам во победа!

FORZA MILAN!!!

Милан - Емполи | Сан Сиро | 20:45

По разочарувачкиот старт на гостувањето во Фиренца и поразот од 2-0, ни следува натпревар на Сан Сиро каде пред нашите навивачи ќе ги бркаме првите 3 бода сезонава, кои се од круцијално значење за да остане добрата атмосфера во тимот.

Пред да најавам состав и суспендирани/повредени, најнова вест е дека Курва Суд вечерва ќе протестираат против Галијани и неговиот неуспех да оформи тим кадарен за нешто повеќе од место во средината на табелата. Фановите ќе бараат отказ или тој самиот да се повлече бидејќи уште едно лето во низа тој прави зделки само со Мино Раиола и, како што викаат тие, неговиот другар Прециози кој е претседател на Џенова.

Исто така, во изјавата стои дека се разочарани од фијаското со Кондогбија и Мартинез, а се спомнува и "сапуницата" наречена Карло Анчелоти.

Во врска со натпреварот ќе напоменам дека Ели е суспендиран поради црвениот картон што го заработи во првото коло а повредени се Нианг, Менез и Мексес.

                                   

Очекувањата за вечерва се големи и се освен победа би било разочарување. Секако, тоа би не задржало подалеку од примарната цел, а тоа е топ 3 и враќање во Лигата на Шампионите.

Според Синиша, екипата на Емполи е доста незгоден противник, но ние на домашен терен ќе мораме да освојуваме бодови против било кој тим.

Според многу медиуми и самиот Михајлович меркатото за Милан е завршено и тимот е комплетиран но со ова не би се согласил нитуеден навивач бидејќи очигледни се проблемите кои ги имаме во средината на теренот.

И за крај, вечерва на Сан Сиро ќе присуствува и Силвио Берлускони, па се надевам тимот ќе го удостои со лесна победа и 3 бода на контото на Милан.

ФОРЦА МИЛАН!

Најава: Милан - Торино!

По победата над Рома сите сакавме да ја завршиме сезоната достојно со неколку победи во низа но за тоа да не се случи по којзнае кој пат бевме спречени од Сасуоло или може да се каже Берарди и со тоа може да ја заокружиме една од најмизерните сезони во последните 15 години. На последниот меч на Сан Сиро ни гостува незгодниот Торино и против него ќе бркаме победа и 3 бода за играчите да им се одолжат на сите оние кои денес ќе бидат на стадионот и сите оние кои цела сезона ги следеа иако во ниеден случај не го заслужија тоа.

На клупата по критиките на Берлускони околу некористењето на млади играчи од страна на Инзаги сега имаме 6 играчи од Примаверата меѓу кои е и Мастур па се надевам дека барем двајца од нив би добиле некоја пристојна минутажа за да видиме до каде сме со нивниот развој.

Вечерва после повредата Ел Шарави ќе настапи од првата минута а кај Инзаги постои и дилема околу левата бековска позиција а тоа е дали да стартува со Бокети или со младиот Фелицоли. Да се прашувам јас Фелицоли ќе стартуваше сигурно.

Сега збор-два околу некои работи кои не се во врска со натпреварот но вреди да се спомнат. Прво, најверојатно првиот трансфер на Милан за новата сезона е Хозе Маури од Парма за 3-4 милиона евра и е најавуван како огромен талент за кои беа заинтересирани повеќе клубови но тој го сакал само Милан. Второ и најверојатно најбитно за сите нас е Карло Анчелоти. Во текот на неделава имаше многу шпекулации околу неговото враќање но свое обраќање до јавноста имаше и Берлускони кој изјави дека доколку Анчелоти го раскине договорот со Реал тој тогаш со сигурност ќе дојде пак назад во Милан.

Дали ова е некоја игра од Берлускони или не останува да видиме но вреди да се спомне дека Анчелоти после вчерашниот натпревар се огласи и даде до знаење дека доколку не продолжи со Реал тогаш ќе си земе една година одмор.

Дали Берлускони и Галијани ќе успеат да го предомислат со тоа што ќе му презентираат проект што нема да може да го одбие останува да видиме но наше е да се надеваме дека ќе биде така бидејќи тоа највеќе му оди во полза на Милан. Трето и последно е дека претседателот на Емполи на вечера со Галијани му потврдил дека Сапонара по одличните игри останува во нивна сопственост со тоа што тие ќе си го искористат правото на откуп кое изнесува 4.5 милиони евра.

ФОРЦА МИЛААААААААААН!

Најава: Sassuolo vs Milan - Тивко привршување на лошата сезона!

Не верував дека некогаш ќе дочекам последните неколку кола од шампионатот да ги проследам онака индиферентно, незаинтересирано. Не верував дека е можно, или подобро речено, не ни помислував дека Milan на 3 кола до крај нема да се бори за некое од местата на “пиедесталот”. Во ред, минатата година не обезбедивме излез во Европа, но до последното коло бевме во игра. Всушност, само гол разликата не делеше од ЛЕ, откако Parma административно беше исклучена од UEFA. Ова што се случува сезонава е повеќе од депримирачки. Математички, Milan сеуште има шанса за Европа, но таа искра најверојатно утре ќе згасне. Тука секако не мислам на пораз против Sassuolo, туку триумф на некој од екипите што се пред нас, а ги има многу. Факт е дека клубот уште одамна како да се откажа од таа борба и почна да се занимава, а со тоа да не занимава и нас, со продажбата на клубот.

Sassuolo е екипа што не ни лежи и тоа го докажува од натпревар во натпревар. Сезонава Milan еднаш загуби, во првенството и еднаш победи, во Купот. Двата меча завршија со резултат 2-1. А 2-1 заврши и последниот наш меч, против Roma, можеби најдобриот перформанс на момците во оваа календарска година. Тоа што треба да се направи утре, а во останатите 2 кола до крајот е да се повтори играта од мечот со Roma. И покрај тоа што неконзистентноста и немотивираноста се главните проблеми во текот на целата сезона. Премногу е доцна да зборуваме за старт на некаква серија, но единственото нешто што може да најави оптимистично лето е еден убав крај на лошата сезона. 

Уште една замерка за Pippo, една од поголемите затоа што иако е јасно дека нема да си го зачува местото, макар и победил се до крајот на сезоната и најважно, затоа што самиот вети, младите играчи не добиваат шанса. Против Roma можеби, ќе разберам, но против Sassuolo нема повикано ниеден! Mastalli не го сметам, неговиот статус е член на сениорската екипа. Pippo разочарува се повеќе и повеќе, во секој поглед. Искрено, ќе ми олесни кога ќе го видам надвор од Milanello. Единствената позитивна работа од повиканиот состав е враќањето на El Shaarawy. 

Мислам дека е јасно што сите очекуваме од момците во преостанатите 3 натпревари, без премногу да се оптоваруваме со исходот, за жал. Затоа, нема да должам повеќе. Само сакам да гледам убав фудбал, така што предвидувам победа од 1-3. Да не заборавиме, терминот е 12:30. Одиме на победа! Ајде момци!

FORZA MILAN!!!

Најава: Наполи - Милан

По двата пораза од Удинезе и Џенова, гостувањето во Неапол доаѓа во најлош можен период бидејќи во тимот владее толку лоша атмосфера што се плашам дека вечерва може да се случи дебакл!

Во составот поради суспензија нема да бидат Менез, Мексес и Абате, додека повредени остануваат Шарави, Алекс, Монтоливо, а не е повикан Мунтари поради веќе познати причини. Јасно е дека вечерва не очекува тешка утакмица за гледање. Не верувам дека ќе гледаме течни, изработени акции и шанси бидејќи тоа го немаме цела сезона. Единствено се надевам дека нема да се случи нешто срамно додека Наполи ќе бара убедлива победа поради изненадниот пораз од Емполи.

Но имаме и други вести да споделиме, а тоа е дека Мистер Би се договори со Дон Силвио да влезе во клубот и заедно да го вратат таму каде што припаѓа - на врвот на Италија и Европа. Мистер Би излезе со доста респектабилни изјави, се чини одбрани и прибрани зборови, така што ми остава впечаток на човек кој е дојден да си ја врши работата и да има успех во тоа, а не на газда кој само да појавува на интервјуа и да дава нереални ветувања.

Откако ќе се одлучи дали ќе купи 51% или 49% очекувам да влезат неколку нови луѓе во Милан кои би им се приклучиле на Галијани и Барбара и заедно би работеле на тоа експресно подигање на клубот од оваа мизерија. Едниот од тие луѓе очекувам и силно посакувам да е Паоло Малдини. Впрочем, медиумите го најавија него како еден од клучните луѓе на тајланѓанецот. Нема потреба да се објаснуваме кој е и што е јас само сакам тој човек да има некоја функција и на сите играчи што се дојдени за забава во клубот да им го пренесе значењето на дресот!

Во контекст на ова ќе напоменам дека вчера откако излегоа заедно во јавност Би и Силвио во ресторанот каде што бил Би да прослави бил и Малдини. Дали е случајност или не останува да видиме, но не е тајна дека Мистер Би има голем респект кон Паоло и сигурно тој е во неговите планови.

Од Фининвест е потврдено дека преговорите се во напредната фаза и ни останува да го дочекаме официјализирањето и да видиме со колку % ќе влезе Би во клубот. Напоменато беше дека тоа може да потрае неколку денови, со оглед на тоа што ова е голема операција, има многу детали за средување, а мора да се работи внимателно па треба само да бидеме трпеливи.

Веднаш по ова излегуваат тон шпепулации за играчи и тренери но јас мислам дека сеуште е рано за тоа. Прво треба да се средат некои други работи внатре во клубот и обавезно ќе треба се што е непотребно да се избрка надвор па макар и насилно бидејќи глумењето "фамилија" со моменталниве играчи само ни штети. Мислам дека не очекува бурно трансфер лето и се надевам дека следната сезона ќе сме далеку поконкурентни!

ФОРЦА МИЛААААААН!

Најава: Милан - Џенова

Наптреварот од 33-тото коло во Серија А го играме на домашен терен против, оваа година незгодната Џенова, која сезонава одлично игра против големите екипи, а во првиот дел од сезоната го порази и нашиот Милан со голот на Антонели. Тој вечерва нема да настапи поради повреда. Ситуацијата во клубот е хаотична - сите знаеме за инцидентот во автобусот после наптреварот со Удинезе кој кружеше низ медиумите, за подоцна да биде негиран од страна на Абијати и Монтоливо. Сепак, мое мислење е дека ситуацијата не е толку сјајна внатре во соблекувалната.

Знам дека секој фан на Милан деновиве повеќе ги прати вестите за продавањето на клубот, бидејќи по разочарувачката сезона ни остана само таа надеж. Затоа на кратко ќе ги пренесам шпекулациите тука, иако за подетално може да се информирате на ФБ страната, каде почесто ги апдејтираме вестите деновиве. Mr. Bee пристигна во Милано, но брзо потоа замина за Швајцарија каде наводно требал да присуствува на венчавка на свој пријател. Она најважното е тоа што тој денеска се враќа назад во Милано и е спремен да му ја презентира својата понуда на Дон Силвио.

Најновите информации велат дека денеска пред натпреварот Mr. Bee и Берлускони ќе имаат состанот, потоа ќе го проследат натпреварот помеѓу Милан и Џенова, а најдоцна до утре напладне ќе се имаат информациите од тоа како поминал состанокот. Но поради овие настани втората заинтересирана страна за купување на Милан, онаа кинеската, решила да не седи со вкрстени раце и можно е нивни претставници да стигнат во Италија набрзо и да пробаат да ги поматат сметките на Mr. Bee.

Многумина завземаат страна во оваа војна помеѓу двете групации заинтересирани за Милан, ама јас би бил среќен со било која опција од тие две, бидејќи сум сигурен дека се работи за амбициозни луѓе кои ќе знаат повеќе да го ценат името на Милан и нема да дозволат долго да бидеме на средината на табелата. Можеби звучи неблагодарно по се што направил Берлускони и неговата фамилија за Милан но повеќе би го почитувал ако на време се повлечеше и сега место да мизеруваме ние би биле  она што сме. Шампиони на Европа. Ова е можниот состав за вечер:

Останува да го испратиме натпреварот без нервози ако е тоа можно и да се надеваме дека Нијанг нема да ја истури својата нервоза врз Лопез, поради оние кои не му дадоа шанса да го покаже талентот кој очигледно само тие не го гледаат.

ФОРЦА МИЛАН!!!!!!!!!

Најава: Il Derby della Madonnina!

Како поинаку да се почне најава за дербито освен со зборовите дека без разлика каков тим имаме, кои играчи настапуваат за Милан, во каква и да е форма тимот дека мора да се оди на победа? Победа која не носи само 3 бода туку победа која носи престиж, победа за градот да е обоен само во црвено-црно. Победа која ќе го натера малиот Филипо повторно преку транспаренти да бара Интер да победи за да не биде зафркаван на училиште.

Составот на Милан нема да претрпи некои големи промени но на прв поглед мене во очи ми боде Хонда. Никако не се согласувам со Инзаги да стартува со Хонда на таа позиција и се надевам дека до пред натпреварот ќе се предомисли и таму ќе стартува Сусо. Детето гори за да игра и покаже што знае а има ли подобар натпревар од овој за да се докаже?

Дестро е спремен за игра(му се предвидуваше подолга пауза) но Пипо ќе стартува најверојатно со Менез како лажна 9ка а на левата страна ќе напаѓа Бонавентура. Реално сезоната Џакомо најдобри партии пружа баш таму и мислам дека Пипо прави добар избор. Средината е Ван Гинкел-Де Јонг- Поли и е најдоброто што може Пипо да го извади со оглед на тоа дека Монтоливо е повреден а Есиен и Мунтари не се вредни за спомнување. Мастали е последниот играч за врска но Пипо не би му дал шанса на ваков натпревар. Одбраната е истата веќе неколку натпревари, нема ротации како до пред некој месец и не делуваат одлично ама мислам дека се кадарни да го сопрат нападот на Интер. Ако не тие тогаш да се надеваме дека Лопез ќе има свој ден.

Кај противникот суспендирани се Брозовиќ и Гуарин и тоа е голем плус за нас кој се надевам дека ќе го искористиме. Сепак најголемата опасност ќе доаѓа од Икарди и Шаќири па се надевам дека нашите дефанзивци ќе ги сопрат.

Влогот не е голем на ова дерби, ниту едниот ниту другиот тим имаат шанси за титула/место во Лигата на Шампионите но на теренот очекувам вистинска борба бидејќи градското ривалство е поголемо од мизернава ситуација во која се двата тима.

Се надевам на победа, а потајно посакувам да биде понижен Интер па со многу пиво да прославиме победа на едно дерби и почеток на една нова ера на Милан ако се оди според планираното. Не сакам да баксузирам ама следново што ќе го постирам се надевам дека ќе ве израдува сите вас а ако некој се разбира нека искоментира околу ова.

Barbara: "I won't speak of the future of Milan, as I signed a pact that prevents me to speak and answer questions related to this issue."

Di Stefano (Sky):"The silence of Barbara & Galliani regarding the news of sale of the club indirectly confirms that there are negotiations."

FORZA MILAAAAAAN!!!!

Најава: Милан - Сампдорија

После две врзани победи што е реткост сезонава ја пречекуваме одличната Сампдорија на Сан Сиро и ќе имаме можност да се доближиме на 4 бода од местото кое носи квалификации за Лига Европа. Паднат е стандардот секако но мислам дека тоа натпреварување може да им донесе многу искуство на помладите играчи што се кај нас. За мечот се опоравија Бонавентура и Ван Гинкел кои беа под знак прашалник и сега се на поширокиот список а според Газета можно е и да стартуваат и да му прават друштво на Де Јонг во средниот ред.

Очекувам фудбалерите и пред се Инзаги сериозно да го сфатат овој натпревар и уште од самиот старт да тргнат по трите бода бидејќи смачено ми е а верувам и вас од тој беден обид за постигнување голови од контра напади. Пред недела-две испадна податок дека Инзаги негува таков стил а Милан постигнал два погоди од контра напади што говори за тоа колку лошо играчите го спроведуваат она што им го кажува тренерот.

Мала статистика околу натпреварот:

• This will be the 130th meeting between AC Milan and Sampdoria in Serie A: the Rossoneri have won 63 times, losing 30.
• AC Milan have not conceded in three out of their last four league games against Sampdoria (W2 D2).
• AC Milan have won nine of their last 12 home games with the Blucerchiati in the league (D1 L2).
• Milan are unbeaten at home since January 18th (against Atalanta): three wins and two draws for the Rossoneri since that game.
• Milan have the highest shot conversion rate (16.8%) in Serie A this season.
• Mattia Destro's last Serie A brace came in February 2014, against Sampdoria.

Се надевам дека Сусо ќе добие денеска шанса бидејќи моментално влегува во форма и жал ми е да дреме на клупа а во 80та минута да се прави измена напаѓач-дефанзивец и сите назад. Тоа не е начин на игра кој доликува на Милан. Но не е се така црно бидејќи Ел Шарави доби зелено светло за да почне да тренира, Армеро си потпиша во Фламенго а можеби и е смешна шпекулацијата но Милан дава напори да го врати Ибра.

Вчера Нианг постигна уште еден гол и само ги зголемува клубовите заинтересирани за да позајмат од Милан па ете Каљари сакаат да пуштат понуда но предноста според медиумите е кај Џенова од многу очигледни причини. За крај мораме да продолжиме со победите, мора да се освојуваат бодови бидејќи на Сан Сиро едноставно Милан не смее да испушта бодови! 

ФОРЦА МИЛАН!

Нов Милан по сезонава или повторно старите болки?

Да почнеме со тоа дека Милан врза две победи по ред и на гости победи после за прв пат после октомври минатата година? По победите над Каљари(3-1) и Палермо(2-1) следната утакмица ја играме против Сампдорија на домашен терен и ќе се бориме за трета победа во низа и конечно да собереме бодови од посериозен противник. Ќе биде интересно да се види како ќе се покаже Сампдорија бидејќи според многу медиуми во Италија нивниот тренер Синиша Михајлович е кандидат број 1 за тренерската позиција во Милан после Пипо Инзаги.

Иако врзавме две победи јас воопшто не сум фасциниран од начинот на игра туку напротив пак е исто, се чека на контри и против екипи кој треба да ги сечеме уште од сам старт и повторно тешко се креираат шанси. Единствено добро можеби е што Ван Гинкел почнува да игра а најверојатно и Сусо ќе добие поголема минутажа па ќе видиме колку можат.

На поле трансфери не би верувал во ниедна шпекулација што кружи бидејќи како што сите знаеме Милан е веќе печен за продажба, најверојатно помал дел сега и целосна сопственост во наредните 2-3 години и морам да признаам дека тоа ме радува бидејќи конечно можеби се гледа светло на крајот од тунелот.

Сепак ќе споменам пар шпекулации за да сме во тек колку-толку:

• Дестро нема да биде откупен на крајот на сезоната.
• Имобиле е на трансфер маркетот и Галијани се интересира околу него дури и мислам имаше средба со агентот.
• Бертолачи од Џенова е нова цел на Галијани ама прво треба Рома и Џенова да ја расчистат сопственоста на играчот.
• Милан ја одбил новата понуда за позајмица на Нианг од Џенова каде што овие барале Нианг да остане таму и следната сезона.

Додека сме кај таквите шпекулации мора да се напомене дека не заостануваме и зад шпекулациите за нов тренер и тука во игра се:

• Унаи Емери (Севиља)
• Синиша Михајлович (Сампдорија)
• Антонио Конте (Италија)
• Карло Анчелоти (Реал Мадрид)
• И сигурно куп други "понеатрактивни" но овие решив да ги одвојам бидејќи тие се тие највеќе што се спомнуваат

На крај да продискутираме за ПРОДАЖБАТА на Милан и за конечно добивање нов сопственик, кој има капацитет а и најважно желба да го врати Милан онаму каде што припаѓа. Кинески бизнисмени беа заинтересирани за Милан според шпекулациите но демантираа голем дел од нив и после се како најзаинтересиран испаѓа Bee Taechaubol. Не знам многу за човеков, не е нешто претерано богат но преку фондови сака да собере доволно пари и да ја превземе контролата над Милан.

За да придобие фанови според медиумите тој во Милан планира да влезе со Паоло Малдини како спортски директор. Најновите шпекулации велат дека дека Bee во наредните неколку недели ќе проба да договори се со Берлускони бидејќи не сака конкуренцијата да расте и да му задава проблеми.

Уште еден заинтересиран за Милан е кинески богаташ Mr.Pink по што гледаме дека привлекуваме голем број заинтересирани и најинтересно е што клубот цело време негира дека е продаден но не негираат дека се преговара со заинтересираните што според мене е одлична вест и се поизвесно е дека од јуни ќе гледаме малце поинаков Милан.

За се што сум пропуштил може да се дискутира во коментарите, знам и дека не е нешто посебно текстов пошо прв пат пишувам башка и многу долг период ништо не е пишувано и се имаат насобрано многу информации па се надевам дека ќе сме поактивни.

Дерби на Италија!

Помина доста време откако пишав пост, ама помина уште повеќе време откако го победивме Јувентус последен пат. 25ти ноември 2012, Сан Сиро, Робињо од пенал. Ова е веќе трета сезона како почнуваме од нула со амбиции за место кое води во ЛШ и ништо повеќе. Тие амбиции се нарушени и оваа сезона и само лошите резултати на нашите ривали сеуште не држат во игра за тоа трето место. Оваа зима имаме неколку причини за да се надеваме на подобра иднина.

Покрај засилувањата каде што пак се засиливме квантитативно дојде и најавата за нашиот нов стадион. Сеуште немам време да ги прочитам сите детали за него само знам дека ќе има капацитет од 48.000 гледачи што според мене е совршена бројка и дека треба да биде готов до 2018та година. Од аспект на фан на Милан тоа е одлично и чекор напред затоа што видовме каков позитивен ефект има новиот стадион на Јувентус, и следењето на тој тренд може да значи нешто добро. Од навивачки аспект, целата структура мене ми изгледа како огромен трговски центар со фудбалско игралиште. Ама не сум јас архитект, и фирмата што ќе го гради - Аруп стои зад Алијанц Арената, а инспирација за правење на истиот стадион имале од Емиратите во Лондон, како и стадионите на Базел и Атлетик Билбао.

Да се вратиме на натпреварот каде што кај нас ќе отсуствуваат казнетите Мексес и Дестро, како и повредените Агаци, Абате, Армеро, Бонера, Де Шиљо, Запата, Де Јонг, Монтоливо, Ел Шарави и Мастур. Без Де Јонг и Монтоливо, против еден од најдобрите средни редови во светот не ни се пишува добро. Последните најави се дека суперстар дуото од Гана, Есиен-Мунтари ќе го почне мечот. Еве ја и целата листа на повикани играчи:

Покрај Лопез на голот, се очекува старт на Антонели и Палета и последните најави се дека Закардо е фаворит да почне на десната бековска позиција пред Рами, додека Алекс е сигурен стартер во одбраната. Мунтари-Есиен-Поли најверојатно ќе биде трито во средина кое незнам како ќе успее да ја задржи топката повеќе од 3-4 пасови, додека Менз и Бонавентура се сигурни напред со тоа што последната дилема на Пипо би требала да биде помеѓу Черчи и Хонда за десната крилна позиција.

Сега малку статистика:

• Јуве победил на 27 од последните 29 натпревари дома во Серија А
• Јуве нема примени гол на последните 3 натпревари во Серија А
• Милан нема победа на последните 6 гостувања во Серија А

Тасоти на пресот изјави дека нерешено е добар резултат. Апсолутно се слагам, со играчите кои ни се на располоагање а посебно во средината пораз од еден гол разлика не звучи лошо.

FORZA MILAN!!!

Најава: Milan vs Parma!

Од денот кога го напишав последниот пост се случија неколку значајни настани. Дел позитивни и тоа главно на трансфер пазарот. Galliani беше поприлично активен и вклучен максимално лично. Несекојдневни слики излегоа кога ќелавиот лично го посети домот на Destro – најзвучното име кое го засили Milan. Но добра работа беше завршена и со трансферите на Antonelli и Bocchetti. На другата, негативната страна, дури 3 поврзани порази. Момците ја продолжија мизерната серија во првенстовото, но периодов значеше крај и на второто натпреварување – Купот на Италија. И покрај сите најави дека клубот максимално ќе се ангажира да по повеќе од една деценија дотурка далеку во наптреварувањето кое веројатно на полесен начин носи излез во евро-куповите, Milan одново потклекна и заслужено испадна. Сепак, и тоа не значеше крај за Pippo на клупата на Milan.

Информациите во и околу клубот велат дека Inzaghi ќе добие уште неколку шанси, но лично не верувам дека позицијата ќе му биде стабилна ако вечерва, против Parma не успее да донесе 3 бода. Едноставно неопходно е, победа во првенството немаме веќе 5 кола. И затоа, што од неопходност, што од идејата за промена на Pippo, Destro и Bocchetti само по неколку заеднички тренензи со екипата, најверојатно ќе бидат стартери. Револуцијата со формаицијата беше нешто што можеше да се очекува и беше на неколку пати најавено како опција, директно од стручниот штаб. Конечно, Milan ќе игра во 4-4-2, па така, покрај Bocchetti на лев бек, во одбраната најверојатно ќе се најдат и Alex, Rami и Zaccardo. Средниот ред е доста офанзивен и верувам дека тоа е добрејдено за најголем број од навивачите. На крилните позиции би се нашле Cerci и Honda, на средишните Van Ginkel и Poli. Напред, заедно со Destro ќе биде нашиот најдобар стрелец Menez.

На саат време пред натпреварот нема да должам повеќе. Премногу едноставно и логично е: ни треба победа повеќе од кога било сезонава. Не смееме да продолжиме да тонеме. Би било залуден цел напор и успех на трансфер пазарот доколку негативната серија продолжи. Ајде да им посакаме на новите играчи убаво добредојде со убава и лесна победа. Parma, фенерџијата во Калчото е идеалниот противник за тоа.

Forza Milan!!!

Најава: Milan vs Atalanta

Во периодот кој беше можеби најтивок од почетокот на годината, момците имаа добра прилика за средување на мислите и фокус кон следната цел – победа над Atalanta и почеток на победничка серија. Без патувања, без некакви трансфер потреси барем за пошироката јавност и без посети на Berlo :) Идеален временски период за полнење на батериите и доусовршување на некои техничко-тактички финеси. Единствена голема вест што излезе од Casa Milan или Milanello беше официјализирањето на трансферот на Suso. Не одекна многу таа вест со оглед на тоа што и претходно ни беа познати условите, но најважно, повторно нема информација дали Liverpool ќе попушти и ќе го ослободи Suso уште во овој преоден рок. Етички, би било коректно, но лично не можам да го видам мотивот на англичаните зошто би се откажале и му направиле услуга на играчот и на Milan.

Atalanta  е повеќе од противник по мерка за ваквиот променлив Milan. Тоа е екипата што има само 3 победи во 18 кола и тим со третиот најлош напад во лигата. Замислете, само 14 гола во цели 18 натпревари. Дури ни German Denis сезонава не е тоа што беше, само 3 гола досега во шампионатот. Не е ниту најдобар стрелец во екипата, туку тоа е Maxi Moralez. Atalanta е класична фајтерска екипа, без воопшто убавина во играта, со еден куп деструктивци и валкани играчи. Тука се Biava, Cigarini, Migliaccio, Stendardo, Bianchi, Pinilla… Но Atalanta е клубот и на Baselli, веројатно најсериозниот кандидат за наше следно засилување од средниот ред. Денешниот противник е тим кој што ни должи. Сигурно се сеќавате на поразот лани во претпоследното коло и на оној неворајтен гол на Brienza, со кој и дефинитивно отпаднавме во трката за Европа. И сега е време да платат неколкукратно!

Кај нас, ситуацијата е многу слична како и на последните 3 натпревари, особено слична во споредба со последниот меч и победата во Купот. Единствено De Sciglio, Zapata и Essien нема да бидат достапни за Pippo денес. За очекување е Lopez да се врати на голот, Abate ќе почне на десен бек, на средина според мене најдоброто стоперско дуо што моментално го поседуваме – Mexes и Rami. Лево, Pippo ќе мала дилема при изборот меѓу Bonera и Armero. Во средината истите тројца како и во вторникот, славеникот Montolivo, King Kong De Jong и Bonaventura. Напред, Cerci и SES на крилата и Menez назад меѓу стартерите.

Да резимирам, ги имаме сите предуслови за втора врзана победа. Milan мора да почнува да освојува сигурни 3 бода против екипите од рангот на Atalanta, особено на San Siro. Се работи за една многу силна наша постава против релативна слаба противничка екипа. Верувам дека сите очекуваме мирна победа, најавена со сигурен старт и рано водство. Особено очекуваме од напаѓачкото трио. Cerci да го повтори опасниот офанзивен перформанс од Купот, слично како и El Shaarawy, а Menez да биде стандардно убоит и прецизен во нападот. Одиме на нова победа!

FORZA MILAN!!!

Најава: TIM Cup - Last 16!

Трет натпревар во седум дена и уште една шанса за Pippo и момците да ја остварат првата победа во новата календарска година. Стадионот повторно ист како пред течно една недела, противникот многу познат, оној што ни нанесе болен пораз кога сите очекувавме рутинска победа – Sassuolo е должникот. Овојпат различно ќе биде само натпреварувањето. Coppa Italia или од пред неколку сезони TIM Cup е една од двете цели на Milan сезонава. Причината е едноставна: ова е единствениот дополнителен напор во сезона кога клубот не игра во Европа и кога одново не е во можност да се бори за Скудетото. Освен тоа, Купот може да биде “спасител” на сезоната бидејќи, како што знаеме, победникот на националниот куп во Италија обезбедува директно учество во Europa League, нашата крајна цел оваа година.

Имајќи го ова на ум, треба да очекуваме еден мотивиран и ангажиран пристап на сите поединци во клубот. Логично е да се надеваме дека Pippo убаво ги простудирал сите негативни аспекти на поразот од минатиот вторник и е спремен да извади квалитетна, силна и мотивирана постава. Ќе се повторувам ако кажам дека Milan е несомнено подобрата екипа и дека се што треба да се направи во пресрет на мечот е влезе ангажирано, концентрирано и внимателно. Знаеме какви проблеми може да направи Sassuolo, го знаеме нивниот потенцијал и тука не смее да има нови непријатни изненадувања. Победа вечерва ќе значи четвртфинале на 27ми месецов, против подобриот од дуелот Torino-Lazio.

Во однос на првите 11, Pippo очигледно се одлучи за неколку важни промени. Со оглед на тоа што Купот секогаш е шанса за играчите со помала минутажа, Inzaghi веројатно ќе го стави Abbiati на голот. Во одбраната, Abate е сигурен десно, De Sciglio оди повторно на лев бек, а во средината веројатно ќе отсуствува Rami, така што стоперското дуо ќе биде составено од Alex и Zapata. Во средината конечно ќе го видиме логичното враќање на Bonaventura на MRC, незаменливиот NDJ ќе биде на DMC и Poli лево од него. Евентуално, Poli и Jack би промениле страни. Напред ќе го имаме првиот старт и првата вистинска прилика за Cerci. Вистинска прилика, можеби и последна за Pazzo како најистурен, а одново можеби последна (далеку било) партија за SES на LW. Лично, немам ниту една замерка на поставата што најголем дел од италијанските медиуми ја предвидуваат за вечер.

Не верувам дека момците ќе прокоцкаат уште еден натпревар. Мислам дека на сите им е јасно кој е главниот проблем на оваа екипа. Освен тоа, имаме неколку играчи кои de facto се наоѓаат на трансфер листа, а не сакаат да го напуштат клубот. Затоа мислам дека ќе гризат, повеќе од било кога, па конечно ќе се израдуваме на победа годинава. Вечерва, 21:00ч, СпортКлуб 1, одиме на победа!

FORZA MILAN!!!

Torino, за поправање на впечатокот!

Поразот од Sassuolo во вторникот беше многу разочарувачки и болен. Некако бевме премногу оптимистички расположени пред премиерата во новата година. Дали тоа се должеше на убавите вести и најави од нашиот трансфер пазар или на оптимизмот од победата против Real или од природниот нагон да сакаш да започнеш нешто важно со успех... Веројатно комбинација од сите овие работи. Но Zaza, Berardi и дружината ни направија класично спуштање на земја. И одново, последните 2-3 дена зборуваме за истите проблеми што не мачат со години.

Што побргу го оставиме зад нас непријатниот пораз и се вратиме на успесите, тоа се поголеми шансите Milan да остане во трка за главната цел – третото место. Цела среќа по нас што годинава не постои константен тим во лигата. Тоа не се дури ни Juve и Roma, но уште поважно за нас, константни не се ни Napoli, Inter, Sampdoria, Lazio, па така, моментално заостануваме само 5 бода зад главната цел. Сепак, пресвртот што го посакуваме не звучи како лесно остварлива мисија. За противник го имаме Torino и тоа на Olimpico. Тимот што на некој начин е наш должник од минатата сезона и заради кого (заедно со Parma), оваа година не играме во европските купови.

Минатата сезона двата натпревари завршија без победник. Во Торино беше 2-2, а во Милано 1-1. Но Torino воопшто не е истиот тим од минатата сезона. Главните ѕвезди, Cerci и Immobile веќе не се дел од тимот, што и беше за очекување по одличната сезона. Управата проба да го покрие заминувањето на двајцата главни напаѓачи со искусни офанзивци и рангот на Quagliarella и Amauri, но засега безуспешно. Наспроти желбите и намерите на Urbano Cairo, Torino е екипата, заедно со Chievo, која најмногу страда офанзивно, односно има постигнато само 12 гола во 17 кола. И тоа е доста важне податок за екипа како Milan, која најмалку една третина во секој натпревар ја игра со конфузен перформанс на одбранбените играчи. Всушност, тоа беше една од двете главни причини за поразот од Sassuolo пред 4 дена: освен некористењето на крилните фудбалери како прва, втора причина беше неповрзаноста на одбраната со дефанзивниот дел на средниот ред. Сличноста меѓу Sassuolo и Torino, меѓудругото, е и нескладноста помеѓу линиите на теренот, а тоа најчесто повлекува неконвенционални напаѓачки шеми. Од Sassuolo не видовме убаво изграден напад со завршеток веќе предвиден во главата на тренерот. Слично нешто очекувам и вечерва од Torino. Нивниот најсилен дел од поставата е офанзивниот дел од средниот ред, пред се Vives и Farnerud централно и Darmian и Molinaro по крилата. Според тоа, реално е да се очекуваат многу обиди за контранапади.

Од наш аспект, позитивните промени од последниот меч се враќањата на NDJ и Abate помеѓу стартерите. Тоа би требало многу да му помогне на Pippo во дефанзивните замисли. Се уверивме дека со Montolivo на DMC, врската меѓу задниот и средниот дел, во одбранбена смисла е ужасна. Со De Jong во поставата, имаме петти играч во одбраната при контри и полуконтри. Abate од друга страна, ќе ја зголеми опасноста што ќе доаѓа за противникот од десната страна, бидејќи минатиот меч имавме апсолутно безопасна десна страна со Rami, Poli и Bonaventura. Но, последните инфомации велат дека SES нема да го почне натпреварот заради мини-повреда (паралелно со се почестите гласини дека заминува од клубот), а можно е и Armero да стартува на лев бек наместо De Sciglio. Тоа повторно го прави тимот не комплетен, со оглед на тоа што и Cerci не е спремен да стартува против своите доскорешни соиграчи.

И кога ќе дојде време за сумирање и нагаѓање на резултатот, сите логични аргументи и факти водат кон натпревар без многу убавина и без многу голови. Ние некомплетни во нападот, со повеќе од половина напаѓачи кои се во некаква фаза на преговори за напуштање на тимот, а противникот природно неефикасен. Но Milan нема избор, опцијата е една – победа. Момците не смеат да заостанат уште повеќе во однос на конкурентите, затоа што никаков успех на Galliani на пазарот до крајот на Јануари не ќе може да ја надомести разликата. Сигурен сум дека Pippo многу добро го знае ова и верувам дека ќе успее да пренесе доволно мотив на играчите. А мотивиран Milan, ретко кој може да го запре (ping Real Madrid).

FORZA MILAN!!!

За почеток на новата година!

Момци, најпрво, среќна и успешна нека ви е новата година! Да славиме многу победи, еден куп голови, па и титула, онаму каде што сме сеуште конкурентни. Се надевам убаво и опуштено ги поминувате празнициве и имате време да следите што се случува во и околу клубот. Велам дека се надевам имате време, затоа што очигледно обврските што ги имавме периодов не натераа малку да го запоставиме блогот. Еве, овој пост нека биде некакво извинување од моја страна за пасивноста последните 30-40 дена и се надевам дека ќе направиме нов рестарт, заедно со новата година.

Првиот предизвик од вториот дел од сезоната ни доаѓа во право време - Sassuolo е екипата со која ќе ја отвориме 2015тата. Логично е за очекување дека двете екипи ќе сакаат да ја започнат сезоната со позитивен резултат. Сепак, критериумите и очекувањата во двата табора во пресрет на мечот не се исти. За нас, единствено победа е позитивен резултат и вистински начин да се продолжи со фината низа која започна со победата над Napoli, па следеше ремито во гости со Roma и заврши со убавото предновогодишно изненадување во победатата над Real Madrid. Баш таа победа, и покрај тоа што се работеше за ревијален меч, некако ја дополни позитивната празнична атмосфера во тимот и со сигурност го подигна моралот. Дотолку повеќе што тоа беше прв пораз на Real по 22 победи во низа на официјални натпревари. Кога сме кај моралот и расположението, Papa Silvio вчера даде свој придонес - го одржа препознатливото предавање пред играчите, а имал и муабет насамо со Pippo. Berlo уште еднаш ги фиксираше главните цели на клубот: 3тото место во лигата и напад на трофеот во Купот. На својствен начин го претстави новото засилување Cerci, а го пофали и SES за ефектот против Real.

Sassuolo е екипа која носи лоши спомени за Milan. Можеби и не така лоши гледано од аспект на навивач, но сигурно од аспект на клубот во целина. После поразот од Sassuolo, точно пред година дена, Allegri доби отказ и со тоа започна еден турбулентен период во кој управата на клубот тргна во потрага по вистинското тренерско решение, адекватно на новата визија - Milan да ги врати реномето и успесите од минатото преку паметно и ефикасно менаџирање, во услови кога не може финансиски да парира на најмоќните. Којзнае, можеби по неколку години ќе треба да се му се заблагодариме Domenico Berardi, тогаш 19-годишникот што ни даде 4 гола во поразот од 4-3 и го “потпиша” отказот за Max Allegri.

Како и да било, психолошкиот ефект на утрешниот резултат врз продолжението на нашата сезона со сигурност ќе биде огромен. Тоа ќе рече дека трите бода се граничат со имератив. За да го оствари тоа, Pippo ќе има солидна група на фудбалери на располагање. Од оние што не се на тој список: Honda ќе го пропушти скоро цел Јануари со оглед на очекувањата неговата Јапонија да биде меѓу главните кандидати за овојување на Азијскиот Куп, De Jong е суспендиран, исто како Mexes и Armero. Bonera е повреден. На позитивната страна: Alex, De Sciglio, van Ginkel и Abate се назад во тимот. Трансферот на Cerci е административно среден, така што и тој е во комбинација за утре, но не и за во стартниот тим. Според тоа, веројатната одбранбена линија би изгледала вака: Lopez на голот, De Sciglio лево, Zapata и Alex на стопери и Rami на десен бек. Доколку Pippo сепак одлучи дека Abate е спремен да стартува, Rami и Alex би биле во стоперското дуо. Во средината ситуацијата е поприлично јасна, односно Monti ќе се најде на местото каде што стандардно е NDJ, додека Poli и Muntari би се нашле десно и лево од капитенот. Напред, Menez и SES имаат загарантирано место. Ништо помалку сигурен, барем за овој меч е и Jack на RW.

Со оглед на тоа што трансфер-пазарот е веќе отворен, а италијанските екипи дефинитивно најактивни во првите денови, еве неколку мои размилувања околу потезите на G овој Јануари. Размената Cerci-Torres во глобала е оценета како паметен и позитивен потег. Би се сложил со тоа. Сепак, кај мене останува стравот - екипата да не остане без класичен шпиц на кого ќе може да се потпре кога лажната 9ка нема да биде опција. Од ова веројатно разбирате дека Pazzini, за мене, не ја пружа таа сигурност. Затоа ме израдува веста дека G е серизно заинтересиран за Destro. Иако не знам зошто Roma би го продала единствениот шпиц во екипата (Borriello веќе не го бројам во фудбалери). Веста што уште повеќе ме израдува е последната од вечерва, каде според неколку кредибилни извори, Suso ги договорил личните услови со Milan. Претпоставувам знаете, неговиот договор истекува летово, така што постојат две опции: Brendan Rogers да биде разумен и коректен и на сметка на апсолутното игнорирање есенва, да му дозволи на Suso да го напушти Liverpool уште во текот на овој трансфер период, или како втора опција, преминот да се случи во Јуни, откако Suso ќе стане слободен играч. Нас нема да ни биде сеедно, дефинитивно. Според информациите, се работи за перманентен договор со трајност од 4 години и плата од 1.2 милиони по сезона. На излезната трансфер страна, Newcastle е серизно заинтересиран за позајмица на Niang. Нашите сакаат висока откупна клаузула, а англичаните само позајмица без сума за откуп во Јуни. Уште една млад офанзивец не се вклопува во плановите на клубот - Saponara е се поблиску до Parma. Се надевам дека и Zaccardo ќе биде дел од тој трансфер. Од останатите имиња со кои сме (одново) поврзувани: Jackson Martinez, Immobile, Mario Suarez, Brozovic, Thiago Motta, Obi Mikel, Santon, итн.

Неколкуте позитивни моменти што во низа ни се случија ги подигнаа очекувањата за добра пролетна полусезона. Евентуалната победа утре ќе ни значи многу на сите нас со некаков интерес за клубот. Имаме таман противник и фин распоред потоа, што се предуслови за овој Јануари да го претвориме во перфектен. Лично, верувам во успешна полусезона, а особено во успешен старт на полусезоната. На победа момци!

FORZA MILAN!!!

Најава: Il Derby della Madonnina!

Ниедно градско дерби не смее да остане незабележано или ненајавено на блогов, без оглед на тоа во какви гужви и со какви обврски сме окупирани. Некои од нас со работа, некои животни одлуки и настани (честито Жаре J). Признавам дека денес сум најнеспремен пред едно дерби, од кога знам за себе. Да бидам до крај искрен, до пред 10 минути не знаев ниту кои играчи се повикани, а камоли кои би стартувале. Но сеедно, моите извори од Милано го кажуваат следново: J

Pippo ќе го има скоро најсилниот состав достапен, слично како и старо-новиот тренер на комшиите – Mancini. Меѓу тие што нема да стартуваат, но ќе бидат на клупа е капитенот! Monti е повикан по неколку пауза од повредата и според реакциите на Twitter е многу возбуден и жеден за фудбал.

И ние и Inter сме во многу слична ситуација и во поглед на формата и во поглед на позиција на табелата. Тоа веројатно ќе го направи Дербито уште поинтересно и понеизвесно. Мотивот сигурно нема да недостасува, кореографиите исто така. Барем CurvaSud најаваи спектакл.

Одиме момци, да го направиме Милано црвено-црн, одново!

FORZA MILAN!!!

Враќање во ЛШ конкуренција!

Факт е дека по почетната еуфорија и позитивни игри полека но сигурно влегуваме во некоја летаргична фаза. Се надевам дека ќе се раздрмаме позитивно после вечерашното гостување на Zamparini на San Siro. Со победа се враќаме на третото место со Sampdoria која ја победи со 3-1 истата онаа Fiorentina со која ние не успеавме да се справиме претходно. Palermo како и неговиот сопственик, секогаш е непредвидлив противник и од него може да се очекува апсолутно сè (а најчесто смена на тренерската клупа). Оваа екипа му даде 3 гола во гости на Napoli а успеа да прими 3 од Empoli односно 4 дома од Lazio. Имаат прилично млада и инвентивна двојка во нападот во имињата на Dybala и Belotti (голем фан на Milan и фантастичен во младата репрезентација на Италија). 

Сепак доколку ние одиграме на нивото на кое одигравме првите неколку натпревари сезонава, не би требало да имаме поголеми проблеми со нив. Особено не ако рано го отвориме мечот и продолжиме да газиме на гаста во текот на дуелот. Кај нас покрај долгорочно повредениот Montolivo во аут е и камиказата Sulley поради жолти картони и за жал Jack кој после фантастичниот гол и одличната партија на mezalla против Cagliari, ќе паузира поради потрес на мозокот од удар во главата на тој дуел. Поради сето ова веројатно еден од Van Ginkel и Saponara ќе го започне денешниот натпревар од старт (повеќе предност му се дава на нашето дете). Напред прилично сигурно повторно ќе стартува Torres и Honda а El Sharaawy и Menez ќе се борат за онаа AML позиција. Одбраната ќе биде истата. Pippo беше категоричен дека и покрај лошиот период на De Sciglio тоа е иднината на италијанскиот фудбал и идниот Maldini на клубот и тој секогаш ќе игра кога ќе биде здрав! Огромна доза на доверба од тренерот кон младиот фудбалер. Зад нив на голот конечно се очекува враќањето на Diego Lopez кој веќе предолго време е во аут.

Едноставно треба да одиграме на Pippo ниво на игра и да не се олабавуваме после евентуален постигнат гол туку да го одржиме нивото на игра до крајот.

Forza Milan!!!